15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Էրդողանը հայտարարել է, որ ՆԱՏՕ-ին Շվեդիայի անդամակցության վավերացման հարցում Անկարան «գործելու է Ստոկհոլի քայլերին համապատասխան»
Քաղաքականություն
21.07.2023 | 18:20
Թուրքիայի նախագահ Ռեջեփ Թայիփ Էրդողանը, անդրադառնալով ՆԱՏՕ-ին միանալու Շվեդիայի հայտի վավերացմանը խնդրին, ասել է, որ Անկարան գործելու է Ստոկհոլմի իրականացրած քայլերին համապատասխան, գրում է TRT Haber-ը։
Նա նշել է, որ երբ ՆԱՏՕ-ին Շվեդիայի անդամակցության հայտը ներկայացվի խորհրդարանին, գործընթացը կշարունակվի խորհրդարանի ժամանակացույցի համաձայն։
«Մեր հանդիպումներում հետևելու ենք շվեդական կողմի տված խոստումներին և երաշխիքներին։ Մենք գործելու ենք այն քայլերին համապատասխան, որոնք կանի Շվեդիան»,- ասել է Էրդողանը Պարսից ծոցի երկրների կատարած շրջագայությունից վերադառնալիս ինքնաթիռում լրագրողների հետ զրույցում։
Նա նշել է, որ Շվեդիայի օգտին կլինի, եթե «կոնկրետ քայլեր ձեռնարկի ահաբեկչական կազմակերպությունների դեմ պայքարի և ահաբեկիչների արտահանձնման հարցում, ինչի ուղղությամբ Անկարան կենտրոնանում է»։
«Անհամբեր սպասում ենք խոստումների և երաշխիքների կատարմանը»,- ասել է Էրդողանը։
Հավելենք, որ Վիլնյուսում ՆԱՏՕ-ի գագաթնաժողովիմ ընդառաջ Շվեդիայի վարչապետի և ՆԱՏՕ-ի գլխավոր քարտուղարի հետ եռակողմ հանդիպումից հետո Էրդողանն իր աջակցությունն էր հայտնել դաշինքին Ստոկհոլմի անդամակցությանը։ Հիմա պետք է հայտը վավերացնի Թուրքիայի խորհրդարանը, որն այժմ արձակուրդում է։
Էմմա Չոբանյան
