06.06.2026 | 15:55
ՀՀ ընտրողների ռեգիստրում ընդգրկվածների ընդհանուր թիվը հունիսի 6-ի դրությամբ կազմել է 2 միլիոն 485 հազար 851
ՌԴ-ում զինվորական տարիքի ստորին շեմը չի բարձրացվի
Քաղաքականություն
21.07.2023 | 18:41
Ռուսաստանում զորակոչային տարիքն այսուհետ կլինի 18-ից 30 տարեկան։ ՌԴ Պետդուման որոշել է չբարձրացնել զինվորական տարիքի ստորին շեմը 18-ից մինչև 21 տարեկան, միևնույն ժամանակ, սակայն, վերին շեմը 27-ից կբարձրացվի 30 տարեկան։ Այս մասին ասել է Պետդումայի պաշտպանության հանձնաժողովի նախագահ Անդրեյ Կարտապոլովը, գրում է DW-ի ռուսական ծառայությունը։
«Հիմնական փոփոխությունն այն է, որ վերին շեմը դարձել է 30 տարեկանը, որոշվել է զորակոչի ստորին շեմը թողնել 18 տարեկանը, քանի որ շատ տղաներ ցանկանում են ծառայության գնալ հենց 18 տարեկանում»,- ասել է նա:
Նախկինում նախատեսվում էր զորակոչային տարիքի ստորին շեմը 18-ից հասցնել 21-ի, իսկ վերինը՝ 27-ից 30-ի։
Նոր նորմերը ուժի մեջ կմտնեն 2024 թվականի գարնանային զորակոչից սկսած, դրանք չեն ազդի 2023 թվականի աշնանային զորակոչի վրա։
