15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
ՌԴ-ում Սիմոնյանի և Սոբչակի գործով դպրոցական է ձերբակալվել
Քաղաքականություն
21.07.2023 | 16:28
Մոսկվայում ձերբակալվել է RT-ի գլխավոր խմբագիր Մարգարիտա Սիմոնյանի և լրագրող Քսենյա Սոբչակի դեմ ենթադրաբար ծրագրված «մահափորձի» գործով ութերորդ մեղադրյալին, գրում է DW-ի ռուսական ծառայությունը։
ՏԱՍՍ-ը դատարանի ներկայացուցիչներին հղումով հայտնել է, որ խոսքը անչափահասի մասին է, որը ձերբակալվել է մի խումբ անձանց կողմից խուլիգանության մեղադրանքով (Քրեական օրենսգրքի 213-րդ հոդվածի 2-րդ մաս): Բասմանի դատարանի որոշմամբ՝ նա կալանավորվել է մինչև սեպտեմբերի 14-ը։
Mediazona-ն, հղում անելով դատարանի որոշմանը, գրում է, որ ձերբակալվածը Մոսկվայի դպրոցներից մեկի 10-րդ դասարանի աշակերտ Արտյոմ Ռ.-ն, նա բերման է ենթարկվել հուլիսի 17-ին։ Նա ու ևս յոթ անձինք մեղադրվում են «խուլիգանական դրդապատճառներից ելնելով՝ ասիական ազգության մարդկանց ծեծի ենթարկելու մեջ»։
Ըստ Mediazona-ի՝ պաշտպանական կողմը խնդրել է անչափահասին չուղարկել քննչական մեկուսարան, քանի որ նա խնամում է երկրորդ խմբի հաշմանդամություն ունեցող տատիկին և պատրաստ է համագործակցել հետաքննության հետ։ Սակայն դատարանը համարել է, որ ազատության մեջ գտնվելով՝ նա «կարող է շփվել չպարզված հանցակիցների հետ», կեղծել ապացույցները կամ թաքնվել։
Հուլիսի 15-ին ՌԴ Անվտանգության դաշնային ծառայությունը հայտնել է «Մարգարիտա Սիմոնյանի և Քսենիա Սոբչակի դեմ մահափորձերի» կանխման մասին։ Ըստ հետախուզական ծառայության՝ սպանությունը, իբր, նախապատրաստել են «Պարագրաֆ-88» խմբի նեոնացիստները։
