07.10.2026 | 23:48
Արթուր Դանիելյանը կալանավորվեց
Լիտվան, Լատվիան և Լեհաստանը դիմել են ՆԱՏՕ-ին՝ Մինսկից եկող սպառնալիքների պատճառով
Քաղաքականություն
07.07.2023 | 22:47
Լիտվայի, Լեհաստանի և Լատվիայի նախագահներ Գիտանաս Նաուսեդան, Անջեյ Դուդան և Էգիլս Լևիտսը նամակով դիմել են ՆԱՏՕ-ի գլխավոր քարտուղար Յենս Ստոլտենբերգին և դաշինքի պետությունների ու կառավարությունների ղեկավարներին՝ կոչ անելով միջոցներ ձեռնարկել՝ հակազդելու ՆԱՏՕ-ի զարգացման հետ կապված սպառնալիքներին, գրում է DW-ի ռուսական ծառայությունը։
Խոսքը, մասնավորապես, Բելառուսում տակտիկական միջուկային զենքի տեղակայման մասին է։ Սույն քայլը Ռուսաստան-ՆԱՏՕ հիմնադիր ակտի կոպիտ խախտում է և այն բանի հաստատումը, որ «սույն փաստաթուղթն այլևս չի գործում», կարծում են երեք երկրների ղեկավարները։
Նաուսեդան, Դուդան և Լևիտսը նաև նշել են, որ «Վագներ» մասնավոր ռազմական խմբավորման վարձկանների և դրա հիմնադիր Եվգենի Պրիգոժինի տեղափոխումը Բելառուս կստեղծի «քաղաքական կայունության ռիսկեր» այդ երկրում և, որպես հետևանք, հղի կլինի «միջուկային զենքի նկատմամբ վերահսկողության հնարավոր կորստով»:
Դիմումի հեղինակները կարծում են, որ Բելառուսը կարող է նաև զանգվածային միգրացիայի ալիք բարձրացնել երրորդ երկրներից դեպի ԵՄ։
Նշվում է, որ Բելառուսի ժողովուրդը ՆԱՏՕ-ից հստակ ուղերձի կարիք ունի, որ դաշինքի համար կարևոր է ժողովրդավարական, կայուն և բարգավաճ Բելառուսը, որը «չնվաճված է Ռուսաստանի կողմից և չի օգտագործվում» Կրեմլի քաղաքացիական պայքարում:
