07.12.2025 | 13:04
Պյոտր Յանը հասել է ռևանշի ու վերադարձրել UFC-ի չեմպիոնի տիտղոսը․ ՏԵՍԱՆՅՈՒԹ
Մեզ մտքի՛ հեղափոխություն է պետք, մնացյալը սուտ է․ փրկիչների փնտրտուքն ական է՝ մեր մտածողության մեջ դրված․ Սերոբ Խաչատրյան․ ՏԵՍԱՆՅՈՒԹ
Քաղաքականություն
05.07.2023 | 20:02
Վերջին երեք տարիներինմ հատկապես ՀՀ-ում սրվել են ներհասարակական բախումները, բանավեճերը, գաղտնիք չէ՝ պարտությամբ պայմանավորված, և նաև՝ ապագայի անորոշությամբ։ Պատճառների փնտրտուքի մեջ է հանրությունը, ինչ-որ իմաստով դա նմանվում է ներքին պատերազմի՝ հոգեբանական տիրույթում։
Այսօր հայաստանյան հասարակությունն ինչպիսի՞ մտավոր, ինտելեկտուալ, ինչու ոչ՝ հոգեբանական դրության մեջ է, ինքն իրեն հարցեր տալի՞ս է, և գտնվե՞լ են արդեն պատասխաններ։ Հասարակագետ, կրթության փորձագետ Սերոբ Խաչատրյանը Factor TV-ին տված հարցազրույցում բացասական պատասխան է տալիս։
«Ցավոք՝ ոչ։ Հասարակական զարգացումներն ունենում են ցիկլային մոտեցումներ։ Մինչև 2018 թվականը մեզ մոտ տարածված էին ձախական գաղափարները, որոնք ավելի շատ հեղափոխական են, արդարության և հավասարության մասին են, և երբ այդ հեղափոխությունը տեղի է ունենում, որպես կանոն՝ հասարակությունը հայտնվում է մյուս բևեռում։ Հիմա մեր հասարակությունը խոսում է պահպանողականությունից, ազգայնականությունից։ Սա հասարակական զարգացման օրինաչափություն է։ Բայց կա նաև մյուս երևույթը՝ հասարակության համախմբումը և հասարակության տարալուծումը։ Մենք հիմա գտնվում ենք այդ տարալուծման փուլում»,- նշում է նա։
Որպես հասարակական պառակտման հիմնական պատճառ Սերոբ Խաչատրյանը համարում է քաղաքական ուժերին, որոնք բիրտ մրցակցության մեջ են։
«Բայց նաև ուրիշ խնդիր ունենք․ ժողովրդական կրթությունը բարձիթողի իրավիճակում է։ Եթե մենք ուզում ենք ունենալ պետականություն, պետք է ունենանք ժողովրդական կրթություն։ Խոսքը միայն դպրոցներին, քոլեջներին, բուհերին, մանկապարտեզներին չի վերաբերում, այլ ժողովրդի կրթությանը»,- ասաց փորձագետը։
Հարցազրույցն ամբողջությամբ՝ տեսանյութում։
Ռոբերտ Անանյան
