Տնտեսություն
03.07.2023 | 10:27Ըստ տոկոսային հարաբերակցության՝ պլանավորված ավտոտրանսպորտային միջոցների քանակը փաստացի երթուղիներ դուրս եկած ավտոտրանսպորտային միջոցների վերաբերյալ կազմում է 7.7 տոկոս։ Այս մասին այսօր Երևանի քաղաքապետարանի գործակարգավարական խորհրդակցության ժամանակ հայտնեց «Երևան ավտոբուս» ՓԲԸ տնօրենի պաշտոնակատար Հովհաննես Մանուկյանը:
Երևանի փոխքաղաքապետ Տիգրան Ավինյանն արձագանքեց՝ նշելով, որ նախորդ 11 տոկոսի համեմատությամբ 7.7 տոկոսը ավելի լավ ցուցանիշ է, բայց պետք է ձգտել, որ այս ցուցանիշը 3 տոկոսը չգերազանցի:
«Խոսքը պլանային և փաստացի դուրս բերման հարաբերակցության մասին է, և, վստահաբար, 3 տոկոսից ավելի ցուցանիշը նշանակում է, որ մենք բավարար չափով տրանսպորտ չենք հանել, որպեսզի սպասարկենք երևանցիներին: Փուլ առ փուլ պետք է ձգտենք, որ այս թիվը 3 տոկոսը չգերազանցի: Ենթադրում եմ՝ երկու ամիս ժամկետը բավարար է՝ ցուցանիշին հասնելու համար»,- նշեց Ավինյանը:
Մանուկյանը պարզաբանեց, որ արձակուրդների հետ են կապված այս ցուցանիշները․ «Մենք հավելյալ վարորդներ պետք է ընդունենք, որ արձակուրդ գնացող վարորդներին փոխարինող վարորդներ ունենանք»:
Մանրամասները՝ տեսանյութում։
