26.04.2026 | 11:38
ԵԱ-ում մրցահարթակ դուրս կգան Տաթև Հակոբյանը և Վարազդատ Լալայանը
Արցախի փոխարեն՝ Լեռնային Ղարաբաղ․ ՇՄՆ-ն եղանակի կանխատեսման մեջ փոխել է տեղանունը
Քաղաքականություն
30.06.2023 | 16:45
Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ն ամեն օր կայքում հրապարակում է առաջիկա օրերին Հանրապետության տարածքում սպասվող եղանակի կանխատեսումը։ Եղանակի կանխատեսման մասին տեղեկությունները տեղադրվում էին նաև Արտակարգ իրավիճակների նախարարության կայքում։ Նախկինում ՀՀ մարզերում սպասվող եղանակը ներկայացնելուց հետո՝ վերջում մարզերին կից ներկայացվում էր նաև Արցախում սպասվող եղանակը։
Վերջին օրերին՝ հունիսի 28-ից սկսած, նախարարությունը եղանակի կանխատեսման մեջ Արցախի փոխարեն նշում է Լեռնային Ղարաբաղ, ավելին՝ այն առանձնացված է ՀՀ մարզերից։
Factor.am-ը ՇՄ նախարարության մամուլի խոսնակից հետաքրքրվեց՝ ինչով է պայմանավորված փոփոխությունը։
«Լեռնային Ղարաբաղը միջազգայնորեն ընդունված տերմին է»,- ասաց նախարարության մամուլի խոսնակ Անի Հակոբյանը՝ այլ հարցերի չպատասխանելով։
Արփի Հակոբյան
