13.01.2025 | 12:40
ՌԴ-ում Իրանի դեսպանը բացահայտել է Մոսկվա-Թեհրան ռազմավարական համագործակցության համաձայնագրի մանրամասները
ԲԱՆԱՎԵՃ․ Զինված ապստամբություն՝ ՌԴ-ում․ հարված՝ Պուտինի իշխանությանը․ ի՞նչ հետևանքներ կլինեն ՀՀ-ի և ԼՂ-ի վրա
Քաղաքականություն
28.06.2023 | 21:02
«Զոհված օդաչուների խիզախությունը փրկեց Ռուսաստանը»,- հայտարարում է ՌԴ նախագահ Վլադիմիր Պուտինը՝ «Վագներ» խմբավորման կասեցված ապստամբությունից օրեր անց։ Միայն հունիսի 27-ին Պուտինը երեք հրապարակային ելույթ ունեցավ՝ երեքում էլ շնորհակալություն հայտնելով ռուսաստանցիներին, ուժային կառույցներին միասնականության համար։
Մարտաֆիլմ հիշեցնող վագներական ապստամբների խմբերը գրեթե առանց դիմադրության վերահսկողության տակ էին վերցրել Ռոստովը, Վորոնեժը՝ ռազմական կարևոր օբյեկտներ, և արդեն Մոսկվայից գրեթե 200 կիլոմետրի վրա էին։ Պուտինի սպառնալիքին, որ ապստամբությունը ճնշվելու է կոշտ մեթոդներով, «Վագներ» խմբավորումը պատասխանեց, թե նախագահը սխալ որոշում կայացրեց, և Ռուսաստանը կունենա նոր նախագահ։
Պուտինի նախկին խոհարար Եվգենի Պրիգոժինը և նրա ղեկավարած «Վագների» վարձկանները դեպի Մոսկվա «Արդարության երթի» մի քանի ժամվա ընթացքում հասցրին խոցել 6 ուղղաթիռ, 1 ինքնաթիռ, սպանեցին տասնյակից ավելի մարդու։ Լուկաշենկոյի միջնորդությամբ ապստամբությունը դադարեցնելուց և Բելառուս տեղափոխվելուց հետո ապստամբների ղեկավար Պրիգոժինը հայտարարեց, թե կանգ են առել՝ մեծ արյունահեղությունից խուսափելու նպատակով, և որ զուտ մտադրության ցուցադրությունը բավարար էր։
Չկայացած ապստամբության փորձից հետո ՌԴ Պետդուման օրենքով արգելեց մասնավոր ռազմական կազմակերպություններին հավաքագրել բանտարկյալների, իսկ Պուտինը վագներականներին հետագա գոյության տարբերակներ առաջարկեց՝ պայմանագիր կնքել ՌԴ ՊՆ-ի հետ, վերադառնալ տուն՝ հարազատների մոտ կամ մնալ Բելառուսում։ Այս կոչից հետո «Վագներ» խմբավորումը չի կազմալուծվել, պահպանում է մարտունակությունը՝ գտնվելով Բելառուսում։
Ինչպե՞ս հնարավոր դարձավ ռազմական հեղաշրջման փորձը կուռ տոտալիտար համակարգ ունեցող Ռուսաստանում։ Արդյո՞ք սա ապստամբության վերջին փորձն է Պուտինի դեմ։ Եվ Ռուսաստանի այս ներքաղաքական, ուկրաինական պատերազմի ճակատում տեղի ունեցող իրադարձություններն ինչպե՞ս կազդեն Հայաստանի և Լեռնային Ղարաբաղի շուրջ ստեղծված իրողությունների վրա։
Factor TV-ի հրավիրած քննարկմանը մասնակցում են «Ժողովրդավարական հարթակ» հիմնադրամի տնօրեն Գարեգին Միսկարյանը, Հայ կառուցողական կուսակցության ղեկավար, քաղաքագետ Անդրիաս Ղուկասյանը, Հելսինկյան ասոցացիայի նախագահ, իրավապաշտպան Նինա Կարապետյանցը, ԼՀԿ կառավարման խորհրդի անդամ Դավիթ Խաժակյանը, դիվանագետ, քաղաքագետ Արա Պապյանը։
Մանրամասները՝ տեսանյութում։
