27.06.2026 | 13:33
Ռուբիոն հայտարարել է Իսրայելի և Լիբանանի միջև շրջանակային համաձայնագրի ստորագրման մասին
Կարճամտություն էր. Գուրգեն Արսենյանը` Սերժ Սարգսյանի` Հունգարիայի հետ հարաբերությունները խզելու մասին․ ՏԵՍԱՆՅՈՒԹ
Քաղաքականություն
19.06.2023 | 14:24
ՀՀ ԱԺ արտաքին հարաբերությունների մշտական հանձնաժողովը չորս կողմ, մեկ դեմ, մեկ ձեռնպահ ձայներով հավանություն տվեց ՀՀ ԱԺ-ում Հայաստան-Հունգարիա բարեկամական խմբի ստեղծմանը։ Ձեռնպահ և դեմ արտահայտվողները «Հայաստան» խմբակցությունից էին։
«Քաղաքացիական պայմանագիր» խմբակցության պատգամավոր Գուրգեն Արսենյանը պետական գործչի կողմից պետական կարճամտություն համարեց ժամանակին Հունգարիայի հետ հարաբերությունների խզումը։
ՀՀ ԱԺ արտաքին հարաբերությունների մշտական հանձնաժողովի արտահերթ նիստում՝ Հայաստան-Հունգարիա բարեկամական խմբի ստեղծման հարցի քննարկման ժամանակ Արսենյանն իր ելույթում նշեց․ «Երբ Սերժ Սարգսյանը խզեց հարաբերությունները Հունգարիայի հետ, ես այդ ժամանակ կտրուկ դժգոհություն եմ արտահայտել այդ որոշման դեմ, քանի որ ինչ կապ ունի Հունգարիայի ժողովուրդը իր ղեկավարի ընդունած որոշման հետ։
Եթե այդ ակտի վերաբերյալ ուզում եք ձեր բացասական վերաբերմունքն արտահայտել, ապա այն արտահայտեիք ղեկավարի նկատմամբ։ Եթե դիվանագիտական հարաբերությունների խզում է լինում, դա նշանակում է անջրպետ երկու ժողովուրդների միջև։
Ես դա այն ժամանակ դիտարկում էի պետական գործչի կողմից պետական կարճամտության դրսեւորում, որովհետեւ սեփական դիվանագիտական ներկայացուցչության անգործությունը բացատրել նրանով, որ հունգարական կողմն ինչ-որ գործողություն է արել, անթույլատրելի է։ Հայաստանի քաղաքական ղեկավարությունն այդ ակտի մասին իմացել է Սաֆարովին արտահանձնելուց հետո, այսինքն՝ իր ողջ դիվանագիտական, հետախուզական ծառայությունները տեղյակ չեն եղել, որ այդպիսի պրոցես է ընթանում։
Եվ աշխատանքային շոկի մեջ հայտնվեցին այն ժամանակ, երբ տեղեկատվական աղբյուրներից իմացանք, որ Ռամիլ Սաֆարովը Բաքվում է։ Միայն դրանից հետո սկսվեց դատապարտումների մի ողջ շքերթ։ Արդյունքում սեփական չարածը Սերժ Սարգսյանը փակեց Հունգարիայի հետ հարաբերությունները խզելով»։
Նշենք, որ Հայաստանի և Հունգարիայի միջև դիվանագիտական հարաբերությունները սառեցվել էին 2012թ., երբ Հունգարիան Բուդապեշտում քնած հայ սպային կացնահարած ադրբեջանցի Ռամիլ Սաֆարովին արտահանձնեց Ադրբեջանին։ Սաֆարովը դատապարտվել էր ցմահ ազատազրկման, բայց Իլհամ Ալիևը նրան ներում շնորհեց և կոչումը բարձրացրեց։
Մանրամասները՝ տեսանյութում։
