12.03.2026 | 16:58
Պարսից ծոցում երկու լցանավերի վրա իրանական հարձակման հետևանքով առնվազն մեկ մարդ է զոհվել. ՏԵՍԱՆՅՈՒԹ
Օվերչուկը պետք է որ ճիշտ գնահատած լինի իրավիճակը․ Ծովինար Վարդանյան․ ՏԵՍԱՆՅՈՒԹ
Քաղաքականություն
13.01.2025 | 14:40
«ԵՄ-ին Հայաստանի անդամակցության գործընթացի մեկնարկի վերաբերյալ Ռուսաստանը պետք է ճիշտ ձևավորի ակնկալիքները։ Որևէ ծայրահեղության մեջ ընկնել չարժի, սա ընդամենը սովորական ընթացակարգ է, որը հարուցել են մեր քաղաքացիները»,- այս մասին ԱԺ-ում լրագրողների հետ զրույցում հայտարարեց ՔՊ պատգամավոր Ծովինար Վարդանյանը։
Նա հրաժարվեց մեկնաբանել ՌԴ փոխվարչապետ Ալեքսեյ Օվերչուկի հայտարարությունները, միայն ընդգծեց, որ նա պետք է որ ճիշտ գնահատած լինի իրավիճակը։
Հիշեցնենք, որ Հայաստանի կառավարությունը հունվարի 9-ի նիստում հավանություն տվեց ԵՄ-ին անդամակցության գործընթաց սկսելու մասին օրինագծին։ Վարչապետ Նիկոլ Փաշինյանը պարզաբանեց, որ, այդուհանդերձ, միությանն անդամակցելու որոշումը կարող է կայացվել միայն համապետական հանրաքվեից հետո, այնինչ ԱԺ-ում եթե մեծամասնությունը կողմ քվեարկի օրինագծին, հանրաքվե տեղի չի ունենա, պարզապես նախագիծը օրենքի ուժ կստանա։ Կառավարության որոշումից շատ չանցած Մոսկվայից հնչեցին առաջին արձագանքները․ նախ Կրեմլի պաշտոնական ներկայացուցիչ Դմիտրի Պեսկովը հայտարարեց, որ Հայաստանը չի կարող միաժամանակ ԵՄ և ԵԱՏՄ անդամ լինել։ ՌԴ փոխվարչապետ Ալեքսեյ Օվերչուկն էլ սպառնալից ակնարկ արեց՝ հայտարարելով, թե «Հայաստանը «Տիտանիկ»-ի տոմս է գնել» և կառավարության որոշումը ԵԱՏՄ-ից դուրս գալու մեկնարկ համարելով։ Միաժամանակ, ըստ նրա, ՀՀ-ում գները կբարձրանան, իսկ հայկական ապրանքների արտահանումը կնվազի 70%-80%-ով։
Մանրամասները՝ տեսանյութում։
