04.04.2026 | 20:03
ՃՏՊ՝ հրդեհի բռնկմամբ
Իսրայելն Ադրբեջանում նոր դեսպան է նշանակել
Քաղաքականություն
13.01.2025 | 14:05
Իսրայելն Ադրբեջանում նոր դեսպան է նշանակել։ Ադրբեջանական լրատվամիջոցների հաղորդմամբ՝ այդ պաշտոնին նշանակվել է Իսրայելի ԱԳՆ Եվրասիական բաժնի տնօրեն Ռոնեն Կրաուսը։
Իսրայելի կառավարությունը միաձայն հաստատել է արտերկրում երկրի նոր դեսպանների և հյուպատոսների 12 թեկնածուների, որոնք առաջարկվել են արտասահմանյան առաքելությունների ղեկավարների նշանակման կոմիտեի կողմից։
«Ինձ համար մեծ պատիվ և արտոնություն է պաշտոնապես նշանակվել Ադրբեջանում Իսրայելի հաջորդ դեսպան»,- նշել է Կրաուսը X-ի իր միկրոբլոգում։
Հավելենք, որ Ադրբեջանում Իսրայելի ներկայիս դեսպանը Ջորջ Դիկն է։
Բաքվում Իսրայելի դեսպանատունը բացվել է 1992 թվականին, Ադրբեջանն Իսրայելում դեսպանություն է բացել 2023 թվականին։
Թարգմանությունը՝ Էմմա Չոբանյանի
