17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Իրանն ու ԵՄ եռյակը բանակցություններ են սկսել
Քաղաքականություն
13.01.2025 | 15:31
Ժնևում մեկնարկել է Իրանի ու «եվրոպական եռյակի» երկրների (Մեծ Բրիտանիա, Գերմանիա և Ֆրանսիա) բանակցությունների նոր փուլը։ Այս մասին հայտնել է Իրանի ԱԳՆ պաշտոնական ներկայացուցիչ Էսմայիլ Բաղային։
«Ժնևում բանակցություններ են ընթանում Իրանի ու եվրոպական երեք երկրների միջև։ Դրանք ներառում են մի շարք հարցեր և կշարունակվեն վաղը»,- ասել է դիվանագետը ճեպազրույցում։
2024 թվականի նոյեմբերի 29-ին Իրանի ԱԳ փոխնախարարներ Մաջիդ Թախտ-Ռավանչին և Քազեմ Ղարիբաբադին Ժնևում հանդիպել են Միացյալ Թագավորության, Գերմանիայի և Ֆրանսիայի ներկայացուցիչների հետ՝ քննարկելու Թեհրանի միջուկային ծրագիրը։
Թարգմանությունը՝ Տաթև Ֆռանգյանի
