16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Անպատժելիությունը ծնեց նոր հանցագործություն ՀՀ տարածքի նկատմամբ․ Էդմոն Մարուքյանը՝ Երասխի ուղղությամբ ագրեսիայի մասին
14.06.2023 | 13:55
ՀՀ հատուկ հանձնարարություններով դեսպան Էդմոն Մարուքյանն անդրադարձել է Երասխի ուղղությամբ Ադրբեջանի զինված ուժերի իրականացրած հերթական ագրեսիային։
«Անպատժելիությունը ծնել է նոր հանցագործություններ Հայաստանի Հանրապետության ինքնիշխան տարածքի և խաղաղ ժողովրդի դեմ։ Այսօր առավոտյան Ադրբեջանի զինված ուժերը շարունակել են երեկվա հարձակումը հայ-ամերիկյան ներդրումներով կառուցվող գործարանի վրա ու վիրավորել երկու օտարերկրյա քաղաքացիների, որոնք աշխատում էին շինարարության վրա։ Մենք դեռ անհամբեր սպասում ենք մեր բոլոր գործընկերների կողմից այս ագրեսիայի միանշանակ դատապարտմանը, որը տեղի է ունենում խաղաղ բանակցությունների ընթացքում»,-գրել է Մարուքյանը թվիթերյան իր էջում։
Հիշեցնենք, որ ՀՀ ՊՆ փոխանցմամբ՝ Ադրբեջանի զինված ուժերը ժամը 11:45-ի սահմաններում կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում են ստացել Հնդկաստանի քաղաքացիներ Մուհամադ Ասիֆը և Միրհասան Սահաջանը։
