18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
Հայաստանի և Լիտվայի ՆԳ նախարարները պատրաստակամություն են հայտնել ամրապնդելու երկկողմ համագործակցությունը
Հասարակություն
12.06.2023 | 21:47
Լիտվայի Հանրապետության Ներքին գործերի նախարար Ագնե Բիլոթաիտեի հրավերով Հայաստանի Հանրապետության ներքին գործերի նախարար Վահե Ղազարյանի գլխավորած պատվիրակությունը Լիտվայի Հանրապետությունում է։
ՆԳ նախարարությունից տեղեկացնում են, որ հունիսի 12-ին Լիտվայի հանրապետության ՆԳ նախարարի հետ հանդիպման ընթացքում քննարկվել են երկու երկրների ՆԳ նախարարությունների համագործակցության հնարավոր ուղղությունները, անդրադարձ եղավ նաև Լիտվայի ներքին գործերի համակարգի կառուցվածքին և բարեփոխումներին։
«Ագնե Բիլոթաիտեն բարձր գնահատեց երկկողմ արդյունավետ համագործակցությունը՝ կարևորելով այս տարվա մայիսին մեկնարկած Եվրոպական Միության Համապարփակ և ընդլայնված գործընկերության համաձայնագրի շրջանակներում Լիտվայի և Լատվիայի Հանրապետությունների կողմից իրականացվող՝ «Աջակցություն Հայաստանի Հանրապետության իրավապահ մարմիններին և անվտանգության ոլորտի բարեփոխումներին» ծրագիրը։
Ծրագրի հիմնական նպատակն է՝ աջակցել ՀՀ Ներքին Գործերի նախարարության կազմավորմանը և ենթակա երեք մարմիններում ընթացող լայնածավալ բարեփոխումներին։
ՀՀ ՆԳ նախարար Վահե Ղազարյանը շնորհակալություն հայտնեց հրավերի և ջերմ ընդունելության համար բարձր գնահատելով միջազգային գործընկերների ջանքերը՝ ի դեմս Եվրոպական միության և, մասնավորապես, Լիտվայի Հանրապետության։
Հանդիպման ընթացքում կողմերը պատրաստակամություն հայտնեցին շարունակելու և ամրապնդելու երկկողմ արդյունավետ համագործակցությունը»,- ասված է հաղորդագրության մեջ։
