13.01.2025 | 13:02
Զբոսաշրջությունը մոտ 7 %-ով նվազել է. նախարարը թվեր ներկայացրեց․ ՏԵՍԱՆՅՈՒԹ
Բաքուն նշել է Իրանում Ադրբեջանի դեսպանատան վերաբացման պայմանը
Քաղաքականություն
12.06.2023 | 21:27
Իրանում Ադրբեջանի դեսպանատան գործունեության վերսկսման պայմանը «դիվանագիտական ներկայացուցչության դեմ ահաբեկչական գործողության գործի հետաքննության ավարտն է՝ հանցագործության մեղավորներին ու պատվիրատուներին պատասխանատվության ենթարկելը»։ Այս մասին հայտարարել է Ադրբեջանի ԱԳՆ պաշտոնական ներկայացուցիչ Այխան Հաջիզադեն՝ մեկնաբանելով Իրանի ԱԳՆ մամուլի քարտուղար Նասեր Քանանիի հայտարարությունները, գրում են ադրբեջանական լրատվականները։
«Ինչ վերաբերում է մեր դեսպանատան աշխատանքի վերականգնմանը, որը դադարեցրել է գործունեությունը այս տարվա հունվարին տեղի ունեցած ահաբեկչության հետևանքով, ապա նշում ենք, որ Ադրբեջանը սպասում է այս գործի հետաքննության ավարտին։ Ահաբեկչության հեղինակները և պատվիրատուները պետք է պատասխանատվության ենթարկվեն և պատժվեն ամենախիստ ձևով։ Ադրբեջանական կողմը պետք է վստահ լինի, որ դեսպանատան անվտանգ գործունեության պայմանները կան»,- ասել է Հաջիզադեն։
Նա նաև նշել է, որ վերջին շրջանում իսկապես մի շարք շփումներ են տեղի ունեցել Ադրբեջանի և Իրանի միջև։
«Արտաքին գործերի նախարարների բանակցությունների ընթացքում կարծիքների փոխանակում է տեղի ունեցել՝ կապված հայտնի իրավիճակի հետ»,- ասել է Հաջիհադեն։
Հիշեցնենք, որ Իրանի ԱԳՆ մամուլի խոսնակ Նասեր Քանանին այսօր ճեպազրույցում անդրադարձել էր Ադրբեջանի հետ լարված հարաբերություններին ու երկու երկրների ԱԳ նախարարների վերջին բանակցություններին։ Նա նշել էր, որ կողմերը քննարկել են լարվածությունը կառավարելու և վեճերը լուծելու ուղիները։
Էմմա Չոբանյան
