14.09.2026 | 15:10
Ռուբինյանի արձագանքը Հաջիևի հայտարարություններին // Ռոբերտ Քոչարյանը սրտաբանի հսկողության ներքո է․ ԼՈՒՐԵՐ
Ոստիկանության բաժնում փաստաբանի նկատմամբ ենթադրյալ բռնության դեպքի առթիվ վարույթ է նախաձեռնվել խոշտանգման հոդվածով
Հասարակություն
12.06.2023 | 19:50
Ոստիկանության բաժնում փաստաբան Կարեն Ալավերդյանի նկատմամբ ենթադրյալ բռնության դեպքի առթիվ Քննչական կոմիտեում վարույթ է նախաձեռնվել: ՔԿ նախագահի մամուլի քարտուղար Գոռ Աբրահամյանը Factor.am-ի հետ զրույցում ասաց, որ ստացված հաղորդման առթիվ քրեական վարույթ է նախաձեռնվել ՀՀ քրեական օրենսգրքի 450-րդ հոդվածի 1-ին մասի հատկանիշներով։ Վարույթը նախնական փուլում է, քննչական ենթակայության հարցն է լուծվում։ Նշենք, որ խոսքը խոշտանգման մասին է:
Հիշեցնենք, որ Փաստաբանների պալատի մամուլի խոսնակ Սիլվարդ Տիգրանյանն այսօր ահազանգել էր փաստաբանի նկատմամբ բռնության մասին` չհայտնելով փաստաբանի անունը: Factor.am-ը, սակայն, պարզել է, որ փաստաբանն Կարեն Ալավերդյանն է: Նա մեզ հետ զրույցում ո՛չ հերքել, ո՛չ էլ հաստատել էր իր նկատմամբ բռնության փաստը։ Վաղը` հունիսի 13-ին, Փաստաբանների պալատում այս թեմայով ասուլիս է հրավիրված:
Արաքս Մամուլյան
