27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ոստիկանության բաժնում ենթադրյալ բռնություն ենթարկված փաստաբանը Կարեն Ալավերդյանն է
Հասարակություն
12.06.2023 | 17:57
Ոստիկանության Կենտրոնի բաժնում ենթադրյալ բռնության ենթարկված փաստաբանը Կարեն Ալավերդյանն է։ Այս մասին հայտնում են իրավապահ համակարգում Factor.am-ի աղբուրները։ Ինքը՝ Ալավերդյանը մեզ հետ զրույցում չհստակեցրեց՝ արդյոք ի՞նքն է այն փաստաբանն, ում նկատմամբ ենթադրյալ բռնություն է գործադրվել։
«Ո՛չ հերքում եմ, ո՛չ հաստատում»,- մեզ հետ զրույցում ասաց Ալավերդյանը՝ նշելով, որ ինքը տեղեկացվել է, որ վաղը Փաստաբանների պալատը մամուլի ասուլիս է հրավիրել։
Չնայած մեր դիտարկմանը, որ ճշտված տեղեկություն ունենք, որ Փաստաբանների պալատի մամուլի խոսնակի գրառման մեջ նշվող փաստաբանն ինքն է՝ Ալավերդյանը շարունակեց պահպանել իր նկատմամբ ենթադրյալ բռնություն գործադրելու տեղեկությունների շուրջ ինտրիգը՝ մանրամասներ չհայտնելով։
Հիշեցնենք, որ Փաստաբանների պալատի մամուլի խոսնակ Սիլվարդ Տիգրանյանն այսօր ահազանգել է Փաստաբանների պալատի փաստաբանի նկատմամբ բռնություն գործադրելու դեպքի մասին։
«Հերթական անգամ ոստիկանության բաժնում բռնություն է գործադրվել փաստաբանի նկատմամբ»,- գրել էր Սիլվարդ Տիգրանյանը։ Factor.am-ի տեղեկություններով՝ դեպքը տեղի է ունեցել ՆԳՆ Ոստիկանության Կենտրոնի բաժնում։
ՆԳՆ ոստիկանությունից էլ հայտնել են, որ հունիսի 7-ի դեպքի առթիվ ծառայողական քննություն է նշանակվել, այսինքն՝ կարելի է ենթադրել, որ դեպքը տեղի է ունեցել օրեր առաջ՝ թեև դրա մասին բարձրաձայնվում է այսօր
Արաքս Մամուլյան
