07.09.2026 | 16:58
Երևանի գերեզմանատան հարակից տարածքում «ԱԿ-47» ինքնաձիգ և փամփուշտներ են հայտնաբերվել
Ծխախոտի ակցիզային հարկը 3 տարվա ընթացքում կբարձրանա 30%-ով. փոխնախարար․ ՏԵՍԱՆՅՈՒԹ
Տնտեսություն
09.06.2023 | 13:38
ԱԺ տնտեսական հարցերի մշտական հանձնաժողովում այսօր քննարկվում էր Հայաստանի Հանրապետության Հարկային օրենսգրքում փոփոխություններ կատարելու մասին և Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին օրենքների նախագծերի փաթեթը․ քննարկման առարկան ՀՀ-ում կիրառվող ակցիզային հարկի դրույքաչափերի վերանայումն էր։
ՀՀ ֆինանսների նախարարի տեղակալ Արման Պողոսյանը նիստից հետո լրագրողների հետ զրույցում պարզաբանեց, որ նախորդ տարիներին ծխախոտի արտադրանքի համար յուրաքանչյուր տարի դրույքաչափն արդեն իսկ բարձրացվել է 15 տոկոսով, այժմ առաջարկվում է հետագա երեք տարիներին՝ յուրաքանչյուր տարի ծխախոտի ակցիզային հարկը բարձրացնել 10 տոկոսով։
«Ինչ-որ պահի պետք է կանգ առնել, քանի որ երբ շատ է բարձրանում ծխախոտի ակցիզային հարկը, դա հիմնականում ներմուծողներն ու արտադրողները փորձում են տեղափոխել գնի մեջ, և երբ որ գինը բարձրանում է, շատ սպառողներ սկսում են ավելի ցածրարժեք ծխախոտ սպառել, ինչը ավելի վնասակար կարող է լինել առողջության համար, և երկրորդ՝ տնայնագործական ծխախոտի արտադրանք կարող են սկսել»,- նշեց Պողոսյանը։
Մանրամասները՝ տեսանյութում։
