14.09.2026 | 12:57
Ռուսական ավիահարվածի հետևանքով Իզյումում 3 մարդ է վիրավորվել, այդ թվում՝ երկու ամսական երեխա
Պաշտպանի աջակցությամբ վերականգնվել է երեխայի նպաստի իրավունքը
Հասարակություն
06.06.2023 | 13:31
Քաղաքացին դիմել է Մարդու իրավունքների պաշտպանի աջակցությանը թոռան համար նշանակված նպաստի իրավունքը վերականգնելու հարցով․ տեղեկացնում են ՀՀ ՄԻՊ աշխատակազմից։
Ըստ դիմումատուի՝ կերակրողին կորցնելու դեպքում նշանակված նպաստը որպես օրինական ներկայացուցիչ ստացել է երեխայի հայրը։ Հաշվի առնելով այն հանգամանքը, որ նա ներկայում բնակվում է արտերկրում, արդեն 1 տարի է այդ գումարը լիազորագրով ստանում է ինքը։ Լիազորագրի ժամկետը լրանալու պատճառով նպաստի վճարումը դադարեցվել է, իսկ վերսկսելու համար անհրաժեշտ է, որ երեխայի հայրն անձամբ ներկայանա համապատասխան մարմին, ինչը երկրում չգտնվելու հիմքով անհնար է։
Պաշտպանի աշխատակազմի Գեղարքունիքի մարզային ստորաբաժանման ներկայացուցիչը բարձրացված հարցը քննարկել է իրավասու պետական մարմնի ներկայացուցչի հետ, ուսումնասիրվել են հնարավոր բոլոր տարբերակները խնդրի կարգավորման նպատակով։
Արդյունքում, նպաստի վճարումը վերսկսվել է երեխայի դիմումի հիման վրա։
