26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Ուկրաինան հուլիսին կայանալիք ՆԱՏՕ-ի գագաթնաժողովում չի հրավիրվի դաշինք․ Բրիտանիայի ՊՆ ղեկավար
02.06.2023 | 19:23
Ուկրաինան ՆԱՏՕ-ին անդամակցելու հրավեր չի ստանա Վիլնյուսում կայանալիք դաշինքի գագաթնաժողովում։ Այս մասին հայտարարել է Մեծ Բրիտանիայի պաշտպանության նախարար Բեն Ուոլեսը, գրում է DW-ի ռուսական ծառայությունը։
«Մենք պետք է իրատես լինենք և ասենք՝ դա Վիլնյուսում չի լինի։ Դա շուտով տեղի չի ունենա»,- ասել է Ուոլեսը՝ կոչ անելով ՆԱՏՕ-ին և ԵՄ-ին «չկրկնել անցյալի սխալները՝ չափազանց շատ խոստումներ տալով» թեկնածուներին:
Նա խոստովանել է, որ որոշ երկրներ կարող են Ուկրաինայի հետ «փոխադարձ պաշտպանական համաձայնագրեր» կնքել և երկարաժամկետ ծրագրեր ընդունել՝ երկրի ռազմական ներուժը զարգացնելու համար։ Դա կարող է երաշխավորել, որ երկիրը, որը կորոշի ներխուժել Ուկրաինա, «ծանր գին կվճարի»։
Ըստ Ուոլեսի՝ նման մոտեցումը կարող է զսպել Ռուսաստանին, քանի որ, նրա կարծիքով, «ռուսական ցամաքային ուժերը զգալիորեն կսպառվեն առաջիկա 10 տարիների ընթացքում»։
Ուկրաինայի նախագահ Վլադիմիր Զելենսկին բազմիցս հայտարարել է, որ Կիևը ՆԱՏՕ-ից կոնկրետ քայլեր է ակնկալում երկրին դաշինք ընդունելու և «անվտանգության երաշխիքների ճանապարհին»։
Հավելենք, որ Վիլնյուսում ՆԱՏՕ-ի գագաթնաժողովը տեղի կունենա հուլիսի 11-12-ը։
Էմմա Չոբանյան
