27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Մտածում ենք սահմանել օրենսդրական կարգավորումներ, որպեսզի ԶԼՄ-ն ունենա ինքնակարգավորման մեխանիզմներ. ՏԵՍԱՆՅՈՒԹ
Հասարակություն
31.05.2023 | 15:59
Մտածում ենք սահմանել օրենսդրական կարգավորումներ, որպեսզի ԶԼՄ-ն ունենա ինքնակարգավորման մեխանիզմներ
Ժողովրդավարության հայկական ֆորումի շրջանակներում տեղի ունեցավ պանելային քննարկում «ԶԼՄ կարգավորումը և դրա ազդեցությունը մամուլի ազատության վրա. հանրային շահերի կարգավորման և ԶԼՄ անկախության հնարավոր սահմանափակումների միջև եղած նուրբ սահմանի ուսումնասիրում» թեմայով քննարկման ժամանակ այս մասին նշեց ՀՀ արդարադատության նախարարության «Օրենսդրության զարգացման կենտրոն հիմնադրամի տնօրեն Տիգրան Դադունցը։
Անդրադառնալով ոլորտի կարգավորմանը, Դադունցն ընդգծեց, որ պետությունը չէ, որ լծակներով ու գործիքներով պետք է զբաղվի այդ հարցով, այլ պետք է ստեղծվեն մեխանիզմներ որպեսզի ոլորտը ինքնակարգավորվի:
«Մենք բացառում ենք կարգավորման մասին խոսելը, քանի որ ժողովրդավար պետություն ենք ու այդ արժեքներն ենք կրում: Պետության դերն այս փուլում այնպես անելն է, որ օրենսդրական մակարդակում ԶԼՄ-ները գնան այնպիսի ճանապարհով, որ ստեղծեն իրենց համար նման մեխանիզմներ կամ անդամակցեն արդեն իսկ գործող համակարգերին», – նշեց Արդարադատության նախարարության «Օրենսդրության զարգացման կենտրոն հիմնադրամի տնօրենը։
Մանրամասները՝ տեսանյութում։
