20.05.2024 | 11:49
Իրանի նախագահի և ուղղաթիռի կործանման հետևանքով մյուս զոհվածների մարմինները տեղափոխվել են Թավրիզ
ՔՆՆԱՐԿՈՒՄ. Նոր պատերազմի պատրաստվո՞ւմ ենք. ահազանգ՝ ռազմարդյունաբերության ոլորտում խնդիրների մասին
Քաղաքականություն
29.05.2023 | 21:15
Ռուս-ուկրաինական պատերազմը մեծացրել է անկանխատեսելիությունը, անորոշությունն ամբողջ եվրասիական աշխարհամասում։ Հայաստանի առջև եղած անվտանգային մարտահրավերներն ավելի են սրվել։ Ադրբեջանն անցնող երեք տարում մեծ ու միջին մասշտաբի ռազմական ագրեսիաներ է իրականացրել Հայաստանի և Լեռնային Ղարաբաղի դեմ, օկուպացրել Հայաստանի սուվերեն տարածքներից առնվազն 150 ք/կմ, Արցախից տարածքներ, գյուղեր։ Փաստն այն է, որ Ադրբեջանի ագրեսիվ գործողությունների դեմ չի գործել ռուսական անվտանգային բարձիկը՝ չնայած Հայաստանն ու Ռուսաստանն ունեն երկկողմ անվտանգային փաստաթղթեր, Հայաստանը ՀԱՊԿ-ի անդամ է։
Այսօր ակնհայտ է, որ Ադրբեջանի նոր ագրեսիաները կզսպեն միայն հայկական ուժեղ բանակը, արդյունավետ դիվանագիտությունը։ 44-օրյա պատերազմը ցույց տվեց, որ Հայաստանը պետք է ունենա և գեներացնի ռազմարդյունաբերական այնպիսի որակյալ կարողություններ, որպեսզի կարողանա դրանք ռազմական գործողությունների մեջ մտցնել և երկար ժամանակ դիմակայել։
Պատերազմը ենթադրում է նաև շրջափակում, զենքի տեղաշարժի խոչընդոտներ, ինչը տեսանք 44-օրյա պատերազմի ժամանակ։ ՀՀ պաշտպանության նախկին նախարարը խոստովանեց, որ հայկական կողմը տոտալ շրջափակման պայմաններում է գործել պատերազմում։
Ռուսաստանը, ինչպես կարելի է հասկանալ հայ պաշտոնյաների խոսքից, գումարը վերցրել է, սակայն չի մատակարարում զինամթերք Հայաստանին։ Հնդկաստանը հետաքրքիր ուղղություն է, սակայն կա տեղափոխման խնդիր՝ արդյո՞ք Իրանի ճանապարհը մշտապես անխոչընդոտ կլինի՝ որպես զենքի մատակարարման ուղի։ ՀԱՊԿ անդամ լինելու պատճառով արևմտյան պետությունների հետ Հայաստանի ռազմական համագործակցությունը հանդիպում է սահմանափակման։ Մինչդեռ վերջերս Թուրքիա այցի ժամանակ Ադրբեջանի նախագահը խոսում էր Ադրբեջանում «Բայրաքթար»-ի գործարանի հիմնման հեռանկարից։
Սեփական և ինքնաբավ ռազմարդյունաբերություն ունենալը կարող է էականորեն լուծել Հայաստանի ռազմական դիմականության խնդիրը՝ ճգնաժամային պայմաններում։
Ինչպիսի՞ աշխատանք է տարվում այսօր, ի՞նչ խոչընդոտներ կան։ Այս հարցերի շուրջ Factor TV-ում հրավիրված քննարկմանը մասնակցում են՝ ռազմարդյունաբերական ոլորտի ձեռնարկատեր Գոռ Ամատունին, «Ողջ մնալու արվեստ» ՀԿ ղեկավար Վովա Վարդանովը, ազգային անվտանգության և ռազմական հարցերով փորձագետ, քաղաքական գիտությունների դոկտոր Հրաչյա Արզումանյանը, «Ազատ քաղաքացի» ՀԿ ղեկավար Հովսեփ Խուրշուդյանը, ռազմարդյունաբերական ոլորտի ձեռնարկատեր Արտակ Ղուկասյանը։
Factor TV-ն այս քննարկմանը մասնակցելու հրավեր էր ուղարկել նաև Պաշտպանության նախարարությանը, սակայն նրանք մասնակից չեն ապահովել։
Մանրամասները՝ տեսանյութում։
