06.08.2026 | 22:30
«Անընդունելի և դատապարտելի է». Արամ Ա Կաթողիկոսը՝ Գարեգին Բ-ին դատարան կանչելու մասին
Ոստիկանության կրթահամալիրում դիմորդների էական կրճատում ունենք․ պատգամավորը՝ փոխոստիկանապետին․ ՏԵՍԱՆՅՈՒԹ
Հասարակություն
29.05.2023 | 15:58
Ազգային Ժողովի պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների այսօրվա նիստում Գևորգ Պապոյանը մտահոգություն հայտնեց Ոստիկանության կրթահամալիրում դիմորդների թվի էական նվազման հետ։
«Ի՞նչ միջոցառումներ են ձեռնարկվում այս իրավիճակը բարելավելու ուղղությամբ,- հետաքրքրվեց պատգամավորը։- Պլանավորում էինք ունենալ 212 ուսանող, ըստ այդմ՝ ֆինանսական հատկացում էինք տվել, բայց փաստացի 133 ուսանող ունենք, իսկ մագիստրատուրայում պլանավորել էինք 20 ուսանող ունենալ, ունենք 3-ը»։ Պատգամավորի դիտարկմամբ՝ ինչ-որ մեխանիզմ պետք է մշակել, որպեսզի այս պատկերը չլինի։
ՀՀ փոխոստիկանապետ Արա Ֆիդանյանը պատասխանեց․ «Խնդիր չենք տեսնում կրթահամալիրի սովորողների առումով, որովհետև միայն պարեկային ծառայության անցնելու համար դիմել է 700 թեկնածու, որոնցից մոտ 600-ը ավարտոււմ են վերապատրաստման դասընթացը և անցնում են պարեկային ծառայության շարքեր։
Պարեկային ծառայության ներդրման պահից մինչ օրս որևէ ոստիկան չի ազատվել կրճատման հետևանքով։
Նախատեսում ենք էականորեն փոխել ՆԳՆ կրթահամալիրի վերապատրաստումների և դասընթացների մեխանիզմը։ Նախատեսում ենք, որ ոստիկանության կրթահամալիրում բարձրագույն կրթություն չտրվի»։
Մանրամասները՝ տեսանյութում։
