06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Հեռախոսներ կան, որոնք ավելի խոցելի են «Պեգասուս»-ի համար. Մարտիրոսյանը՝ ծրագրից պաշտպանվելու մասին․ ՏԵՍԱՆՅՈՒԹ
Տեսանյութեր
29.05.2023 | 15:43
«Pegasus-ը լրտեսական ծրագիր է, որը ներդրվում է հեռախոսի մեջ: Pegasus-ի դեպքում անգամ չեք էլ իմանում, որ ձեզ վարակել են»,- Մեդիա կենտրոնում կայացած ասուլիսում նշեց տեղեկատվական անվտանգության փորձագետ Սամվել Մարտիրոսյանը:
Նրա խոսքով՝ «Պեգասուս»-ը հիմնականում վարակում է Apple հեռախոսները, երբեմն նաև անդրոիդ հեռախոսներ։
««Պեգասուս»-ը հաճախ հետքեր չի թողնում, դրա համար այն, ինչի մասին մենք հիմա տեղյակ ենք, միայն Iphone հեռախոսների մասով գիտենք, իսկ մյուս հեռախոսների մասով դեռ չգիտենք, թե ինչ է կատարվում։
«ՊՆ Nokia հեռախոսը վարակել չեն կարող, այն քարի կտոր է, բայց դրանք միանշանակ անվտանգ չեն: Ճիշտ է, «Պեգասուս»-ով չեն վարակվի, բայց եթե դրանով խոսում եք սահմանի մոտ, թշնամին կարող է ամբողջությամբ լսել»,- նշեց փորձագետը։
«Անդրոիդ համակարգով աշխատող հեռախոսների դեպքում վարակման թվերի մասին մենք չգիտենք, քանի որ ի տարբերություն «Այֆոն» ունեցողների, այդ մարդիկ ծանուցում չեն ստանում»,-ասաց Մարտիրոսյանը։ Նա հավելեց, որ սմարթֆոնի սքանավորումն անգամ 100 տոկոսով ցույց չի տալիս, թե արդյոք եղել է վարակում, թե ոչ։
Մարտիրոսյանի խոսքով՝ այդ ծրագիրն օգտագործվել է 44-օրյա պատերազմի ժամանակ՝ Հայաստանի նկատմամբ։ Փորձագետի դիտարկմամբ՝ առաջին անգամ է այդ ծրագիրը կիրառվում պատերազմի ժամանակ, այդ իսկ պատճառով էլ մեծ քննարկման առարկա դարձավ: Սամվել Մարտիրոսյանը նշեց, որ մինչև Հայաստանում գրանցված դեպքերը, ռազմական գործողությունների ընթացքում ուրիշ ոչ մի ապացուցված դեպք տեղի չի ունեցել։
Փարձագետի խոսքով՝ «Պեգասուս»-ը արտադրվում է Իսրայելի կողմից, անընդհատ կատարելագործվում է այս գործիքը, և եթե ռազմական գործողությունների ժամանակ Pegasus-ի վարակումները եղել են Ադրբեջանից, ապա դա նշանակում է, որ Իսրայելի կառավարությունը պաշտոնապես թույլ է տվել Ադրբեջանին Հայաստանում կիբեռզենք կիրառել։
Մանրամասները՝ տեսանյութում։
