15.01.2025 | 17:53
Քանի դեռ ՀԱՊԿ գործընկերները չեն փոխել իրենց դիրքորոշումը, մեր վերաբերմունքը լեգիտիմ է․ Պապիկյան․ ՏԵՍԱՆՅՈՒԹ
ԲԱՆԱՎԵՃ․ Փաշինյանը կանգնեց Պուտինի կողքին՝ ռազմական շքերթին․ ՀՀ-ն կվնասվի՞, թե օգուտներ կստանա
Քաղաքականություն
10.05.2023 | 21:02
Աշխարհաքաղաքական զարգացումները կայծակնային արագություն են ստացել։ Մինչ ուկրաինացի զինվորականներն ամերիկյան Patriot հակաօդային պաշտպանության համակարգով ռուսական «Կինժալ» գերձայնային հրթիռ էին ոչնչացնում, հակագրոհում զգալի մասով ռուսական հսկողության տակ անցնող Բախմուտ քաղաքը, Մոսկվայի Կարմիր հրապարակում Վլադիմիր Պուտինը, Ալեքսանդր Լուկաշենկոն, Նիկոլ Փաշինյանը, ինչպես նաև Ղազախստանի, Տաջիկստանի, Ղրղըզստանի, Ուզբեկստանի և Թուրքմենստանի ղեկավարներն ընդունեցին ռազմական շքերթը։ Այն ավանդական է, և նվիրված է Երկրորդ աշխարհամարտում նացիստական Գերմանիայի դեմ հաղթանակին։ Բայց, իհարկե, այս տարի համատեքստն այլ է։
Ուկրաինայի ԱԳՆ-ն հատուկ հայտարարությամբ դատապարտեց Մոսկվայի ռազմական շքերթին Հայաստանի, Ղազախստանի, Ղրղըզստանի, Տաջիկստանի, Թուրքմենստանի և Ուզբեկստանի ղեկավարների մասնակցությունը։ Կիևը պնդել է, որ ռազմական հանցագործությունների համար միջազգային արդարադատության կողմից հետախուզվող Պուտինն այդ միջոցառմանը ելույթ ունենալով՝ «արդարացրել է ուկրաինացիների սպանությունը, ուկրաինական քաղաքների և գյուղերի ավերումը, ուկրաինացի երեխաների առևանգումը»։
Շքերթին «պատերազմական հանցագործի հետ նշված օտարերկրյա պետությունների ղեկավարների մասնակցությունն անբարոյական և ոչ բարեկամական քայլ է Ուկրաինայի նկատմամբ»՝ նշել է Կիևը։
Ինչո՞ւ Նիկոլ Փաշինյանը ստիպված եղավ գնալ Մոսկվա՝ կանգնել միջինասիական և ռուսական ղեկավարների կողքին՝ այն դեպքում, երբ նրանք աշխարհի զգալի մասի թիրախում են։ Սա համարել պրագմատիկ քաղաքական որոշո՞ւմ, արտաքին քաղաքականության բալանսավորո՞ւմ Հայաստանի իշխանությունների կողմից, թե՞ ռուսական գծին հավատարմություն։ Ինչպիսի՞ հետևանքներ կունենա Փաշինյանի այս քայլը Հայաստանի համար արտաքին քաղաքական ճակատում։
Այս հարցն արդիական է դառնում, մանավանդ, որ առաջիկա օրերին չափազանց էական հանդիպումներ են սպասվում։ Մայիսի 14-ին՝ Թուրքիայում նախագահական և խորհրդարանական ընտրությունների օրը, պաշտոնական Բրյուսելը կհյուրընկալի Նիկոլ Փաշինյանին և Իլհամ Ալիևին։ Դրանից 5 օր անց Մոսկվայում կհանդիպեն Արարատ Միրզոյանն ու Ջեյհուն Բայրամովը։ Եվ, իհարկե, ԵՄ-ն հայտարարել է հունիսի 1-ին Եվրոպական քաղաքական համայնքի գագաթնաժողովի շրջանակում հայ-ադրբեջանական հանդիպման մասին Մոլդովայում։ Աննախադեպ ձևաչափ է ձևակերպվել՝ Միշելի, Ալիևի, Փաշինյանի, Շոլցի, Մակրոնի մասնակցությամբ։
Factor TV-ի հրավիրած բանավեճին մասնակցում են «Բերդ» ՀԿ անդամ, հանրային գործիչ Արփի Թոփչյանը, Անվտանգության քաղաքականության հետազոտական կենտրոնի փորձագետ, քաղաքագետ Ռոբերտ Ղևոնդյանը, ԱԺԲ խորհրդի անդամ, դիվանագետ Արա Պապյանը, քաղաքական գործիչ Էդգար Ղազարյանը։
Մանրամասները՝ տեսանյութում։
