08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
«Իմ քայլը» հիմնադրամի գործադիր տնօրենն ու «Իզմիրլյան» հիմնադրամի տնօրենը ստորագրել են դրամաշնորհի տրամադրման պայմանագիր
13.04.2023 | 18:04
Գիտակցելով քառասունչորսօրյա պատերազմի ընթացքում վիրավորում ստացած հայրենիքի պաշտպանների սոցիալ-տնտեսական վերաինտեգրման կարևորությունը, նրանց կողքին կանգնելու և բնականոն կյանք վերադարձնելու անհրաժեշտությունը՝ «Իմ քայլը» հիմնադրամի գործադիր տնօրեն Մխիթար Հայրապետյանը և «Իզմիրլյան» հիմնադրամի հայաստանյան գրասենյակի տնօրեն Արմեն Չոբանյանը ստորագրել են դրամաշնորհի տրամադրման պայմանագիր․ տեղեկացնում են «Իմ քայլը» հիմնադրամից։
Համաձայն պայմանագրի՝ «Իզմիրլյան» հիմնադրամը կաջակցի «Իմ քայլը» հիմնադրամի կողմից իրականացվող «Պատերազմի մասնակիցների մասնագիտական ներուժի բացահայտում» ծրագրի շարունակական իրականացմանը:
Ծրագրի նպատակն է նպաստել պատերազմի ընթացքում վիրավորում ստացած, ՀՀ մարզերում բնակվող զինվորների սոցիալ-տնտեսական վերաինտեգրմանը՝ աշխատանքի և աշխատելու մոտիվացիան խթանելու միջոցով: Այս նախաձեռնության հիմքում ընկած է հաշմանդամություն ձեռք բերած զինվորների կարողությունների և հմտությունների բացահայտումն ու դրա հիման վրա հնարավորությունների ստեղծումն իրենց ամբողջ ներուժը կենսագործելու համար:
