Ադրբեջանը հրաժարվել է ՀՀ-ի դեմ մեծ պատերազմից՝ ԱՄՆ-ն և ԵՄ-ն զսպում են հիմա․ բայց Ալիևն անկանխատեսելի է․ Էդգար Վարդանյան․ ՏԵՍԱՆՅՈՒԹ

Լուրեր

22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
Բոլորը

Factor TV-ի հարցազրույցը քաղաքագետ Էդգար Վարդանյանի հետ

-Պարո՛ն Վարդանյան, պե՞տք է պատասխանատվության ենթարկվի այն կառույցը կամ պաշտոնյան, որի թերացման արդյունքում ադրբեջանցիները եկել և տեղավորվել են, ամրություններ են կառուցում Տեղ գյուղին պատկանող տարածքներում։ Մենք դեռևս չունենք վերջնական տեղեկություն, որ նրանք այդ հինգ տարածքները, որոնց մասին ԱԱԾ-ն ասում էր՝ խորացել են, մինչև վերջ հետ են գնացել։ Այստեղ հարցեր են առաջանում՝ ինչո՞ւ են նրանք ավելի շուտ տեղ հասել և ամրացել այդտեղ, և ինչո՞ւ հայկական զորքը ավելի վաղ կառույցներ չէր դնում՝ իմանալով, որ երթուղի է փոխվելու։

-Ինչպես ասում են՝ առերևույթ այստեղ կա նման իրավիճակ, որը ենթադրում է, բնականաբար, պատասխանատվություն։ Մանրամասները մեզ հասանելի չեն, կարծում եմ, որ պետք է հասկանալ, թե ինչ է տեղի ունեցել, հարցեր տալ համապատասխան պաշտոնյաներին, փորձել ստանալ պատասխաններ և այլն։ Այսինքն՝ ակնհայտ է, որ եթե դա որոշակի նախնական լեգալ պայմանավորվածության արդյունքում չէ այս ամենը, և Հայաստանը հանկարծակիի է եկել, բնականաբար, ինչ-որ մեկը կամ ոմանք լրջագույն կերպով թերացել են, և այստեղ պետք է որոշակի հետևություններ անել։

-Որովհետև սուվերեն տարածքի զավթումը խաղուպար չէ․․․

-Բնականաբար։ Բայց նաև հասկանում ենք իրավիճակի բարդությունը, հասկանում ենք, թե, ընդհանուր առմամբ, ինչ իրավիճակ է ստեղծվել պատերազմի արդյունքում, հասկանում ենք նաև ուժերի հարաբերակցությունը, նաև Ռուսաստանի վարքագիծն ինչպիսին է և ինչպես է ազդում խնդիրների վրա, և այո, այս ամենը պետք է համալիր վերլուծել։

-Վերջին շրջանում ՌԴ-ից տարբեր հայտարարություններ հնչեցին՝ սկսած նրանից, որ Մարիա Զախարովան հերքում էր Նիկոլ Փաշինյանի այն պնդումը, որ Լեռնային Ղարաբաղի անվտանգության երաշխավորը Ռուսաստանն է, հետո Լավրովը խոսում էր Արցախի՝ Ադրբեջանի տարածքում գոյության պարամետրերի շուրջ, հետո Հռոմի ստատուտի վավերացման հարցով սպառնալիքներ հնչեցին։ Ի՞նչ է կատարվում հայ-ռուսական հարաբերություններում, սա առո՞ղջ պրոցես է։

-Կարծում եմ՝ Ռուսաստանի արտաքին քաղաքականության ուսումնասիրությունն արդեն իսկ ցույց է տալիս, որ ՌԴ-ն վերջին շրջանում վարում է ագրեսիվ հարձակվողական քաղաքականություն, շատ հաճախ իր պարտավորությունները չի կատարում, բայց այնպես է իրեն ներկայացնում, կարծես, պետք է պահանջի ուրիշներից կատարել ինչ-որ պարտավորություններ։ Եվ, իհարկե, տեսնում ենք, որ միջազգային գործընթացներն այնպիսին են, որ, ըստ էության, Ռուսաստանին շատերը դիտարկում են որպես պետություն, որն ուղղակիորեն կամ անուղղակիորեն ռազմական հանցագործություններ է իրականացնում։ Եվ շատերը նաև համեմատում են այսօրվա «պուտինյան Ռուսաստանը» նացիոնալ-սոցիալիստական Գերմանիայի հետ՝ «հիտլերյան Գերմանիայի» հետ։ Շատ նմանություններ կան, բազմաթիվ զուգահեռներ կարող ենք անցկացնել։ Հայաստանը գործ ունի այսպիսի պետության հետ, ավելին՝ ժառանգել է դաշնակցային հարաբերություններ, ժառանգել է այնպիսի իրավիճակ, որ Հայաստանը լրջագույն կախվածության մեջ է այդպիսի պետությունից՝ տնտեսական, ռազմական և այլ առումներով։ Եվ ՌԴ-ն տեսնում է, որ Հայաստանը առնվազն 2018 թվականից վերցրել է այնպիսի ուղի, որը կարող է բերել նրան, որ ՀՀ-ն դառնա կայացած, ժողովրդավարական պետություն՝ դրանով իսկ խնդիր ստեղծելով ՌԴ-ի համար տարածաշրջանում, ստեղծել այնպիսի նախադեպ, որ, փաստորեն, հնարավոր է, որ այսպիսի տարածաշրջանում գտնվող պետությունը դառնա նորմալ ժողովրդավարական պետություն՝ առանց դիկտատուրայի։

Հարցազրույցն ամբողջությամբ՝ տեսանյութում։

Ռոբերտ Անանյան