27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ադրբեջանում չեն հաստատում իրենց մասնակցությունը Երևանում կայանալիք ծանրամարտի Եվրոպայի առաջնությանը
31.03.2023 | 18:20
Բաքվում չեն հաստատում ադրբեջանցի մարզիկների մասնակցությունը Երևանում կայանալիք ծանրամարտի Եվրոպայի առաջնությանը։
Ադրբեջանի ծանրամարտի ֆեդերացիայից հայտնել են, որ մասնակցության հարցով դեռևս հստակություն չկա։
«Մենք դիմել ենք Ծանրամարտի միջազգային ֆեդերացիային և Ծանրամարտի Եվրոպայի ֆեդերացիային՝ խնդրելով պաշտոնական երաշխիքներ, սակայն մեր դիմումին պատասխան դեռ չենք ստացել: Ուստի, դեռևս հստակ չենք կարող ասել՝ կմասնակցե՞նք Եվրոպայի առաջնությանը, թե՞ ոչ։ Մասնակցության հաստատման վերջնաժամկետն է ապրիլի 11-ը»,-ադրբեջանական լրատվականներին ասել են ֆեդերացիայից։
Նշենք, որ ծանրամարտի միջազգային կարգի մրցավար Արայիկ Ալավերդյանն «Արմենպրես»-ի հետ զրույցում ասել էր, որ Ադրբեջանը պաշտոնապես հաստատել է մասնակցությունը Երևանում կայանալիք ծանրամարտի Եվրոպայի առաջնությանը։ Ադրբեջանական կողմը նաև խնդրել է ապահովել իրենց մարզիկների անվտանգությունը:
Հավելենք, որ Երևանում ապրիլի 15-23-ը անցկացվելիք ծանրամարտի Եվրոպայի առաջնությանը մասնակցելու համար Ադրբեջանը հայտավորել է 5 մարզիկի։
Էմմա Չոբանյան
