16.11.2024 | 11:07
Զիջի՛ր ճանապարհը․ րոպեն կարող է կյանք արժենալ․ ՆԳՆ իրազեկման արշավ է կազմակերպել
«Առաջին և միակ հարվածը հասցրել է Մհեր Սահակյանը»․ փաստաբան Ռուբեն Մելիքյան
Հասարակություն
31.03.2023 | 15:05
Ազգային ժողովի «Հայաստան» խմբակցության պատգամավոր Մհեր Սահակյանը ձերբակալվել է մարմնական վնասվածք հասցնելու կասկածով։ Այս մասին Factor.am-ի հետ զրույցում ասաց փաստաբան Ռուբեն Մելիքյանը։ Վերջինիս խոսքով՝ Սահակյանը գտնվում է Ոստիկանության Արաբկիրի բաժնում, կատարվել են վարույթային գործողություններ, այդ թվում՝ անձնական խուզարկություն։
«Սպասում ենք, որպեսզի տեղափոխվի Երևանի քննչական բաժին, վարույթը փոխանցվի նախաքննական մարմնին, սպասում ենք հարցաքննության»,- ասաց Ռուբեն Մելիքյանը։
Սահակյանը հայտնել է, որ փակ նիստում եղել է թեժ քննարկում, որի ընթացքում «Քաղաքացիական պայմանագիր» խմբակցության ներկայացուցիչները ագրեսիվ վարքագիծ են դրսևորել։
«Առաջինը Մհեր Սահակյանի ուղղությամբ քայլել է Վլադիմիր Վարդանյանը, և հաշվի առնելով այն հանգամանքը, որ մենք բազմիցս տեսել ենք, որ «Քաղաքացիական պայմանագիր» խմբակցության պատգամավորներն անպատիժ հարվածներ են հասցնում ընդդիմության պատգամավորներին, Մհեր Սահակյանը իրական վտանգ է զգացել, և երբ Վլադիմիր Վարդանյանը մոտեցել է, առաջինն ինքն է հարվածել․ առաջին և միակ հարվածը հասցրել է Մհեր Սահակյանը, Վլադիմիր Վարդանյանը պատասխան հարված հասցնելու հնարավորություն չի ունեցել»,- ասաց Ռուբեն Մելիքյանը՝ պնդելով, որ Սահակյանը անհրաժեշտ պաշտպանության է դիմել։
Արաքս Մամուլյան
