04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Սիրիայում ևս վեց ամերիկացի զինծառայող է վիրավորվել․ Պենտագոն
Քաղաքականություն
31.03.2023 | 16:10
Պենտագոնը հայտնել է, որ ևս վեց ամերիկացի զինծառայող է վիրավորվել անցյալ շաբաթ Սիրիայի հյուսիս-արևելքում իրականացված հարձակումների հետևանքով, որոնք իրականացնելու համար ԱՄՆ-ը մեղադրում է Իրանի աջակցությունը վայելող զինյալներին, գրում է VOA-ն:
Պենտագոնի մամլո քարտուղար Փեթ Ռայդերը հայտարարել է, որ մինչ այս երկու այլ հարձակումների հետևանքով ամերիկացի կապալառու է զոհվել և 6 զինծառայող վիրավորվել, ևս մեկ կապալառու էլ՝ վիրավորվել։
Ռայդերն ասել է, որ Ալ-Հասակայում՝ չորս և Գրին գյուղում՝ երկու զինծառայողի մոտ ախտորոշվել է գլխուղեղի տրավմատիկ վնասվածք, նրանք բուժում են ստանում իրենց բազաներում: Միաժամանակ, բազաներում շարունակվում են անձնակազմի վիճակի գնահատումները։
ԱՄՆ-ի գնահատմամբ՝ ութ մարտիկ է սպանվել ԱՄՆ-ի կործանիչների հակահարվածների արդյունքում, որոնք բոլորն էլ կապված են Իրանի Իսլամական հեղափոխության պահապանների կորպուսի հետ, նշել է Ռայդերը:
Տաթև Ֆռանգյան
