08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հաագայի դատարանն ԱՄՆ-ի կողմից Իրանի ակտիվների մի մասի սառեցումն անօրինական է ճանաչել ու փոխհատուցում պահանջել
Քաղաքականություն
31.03.2023 | 18:41
ՄԱԿ-ի Արդարադատության միջազգային դատարանն անօրինական է ճանաչել ԱՄՆ-ի կողմից Իրանի ակտիվների մի մասի սառեցումը և պահանջել փոխհատուցում վճարել Թեհրանին։ Որոշումն ընդունվել է «Իրանն ընդդեմ ԱՄՆ-ի» գործով՝ կապված «իրանական ակտիվների» հետ։
Իրանի հայցը բավարարվել է միայն մասամբ. դատարանի որոշումը չի վերաբերում Markazi Bank-ի սառեցված միջոցներին։
2016 թվականի հունիսի 14-ին Իրանը հայց էր ներկայացրել ԱՄՆ-ի դեմ՝ կապված Վաշինգտոնի կողմից ձեռնարկված միջոցների հետ, որոնք «խաթարում են իրանական իշխանությունների և ընկերությունների կարողությունը՝ իրականացնելու իրենց սեփականությունն արտասահմանում վերահսկելու իրավունքը»: Իրանը հայտարարել է, որ Վաշինգտոնն իր գործողություններով խախտել է 1955 թվականի օգոստոսի 15-ին ստորագրված Բարեկամության, տնտեսական հարաբերությունների և հյուպատոսական իրավունքների պայմանագրով նախատեսված որոշակի պարտավորություններ։
Արդարադատության միջազգային դատարանի դատավորները վճիռը կայացրել են՝ համաձայնելով Իրանի այն փաստարկների հետ, որ ԱՄՆ-ը խախտել է երկու պետությունների միջև Բարեկամության, տնտեսական հարաբերությունների և հյուպատոսական իրավունքների պայմանագրի մի շարք կետերով նախատեսված իր պարտավորությունները, որոնք ստորագրվել է Թեհրանում 1955 թվականի օգոստոսի 15-ին և ուժի մեջ է մտել 1957 թվականի հունիսի 16-ին։
Տաթև Ֆռանգյան
