15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Կադիրովի որդին Ադրբեջանում է, հանդիպել է Կովկասի մահմեդականների վարչության նախագահին
Քաղաքականություն
31.03.2023 | 17:55
Չեչինայի ղեկավար Ռամզան Կադիրովի որդին՝ Ախմաթ Կադիրովն այցով գտնվում է Ադրբեջանում և նախօրեին հանդիպել է Կովկասի մահմեդականների վարչության նախագահ Ալլահշյուքուր Փաշազադեի հետ, գրում են ադրբեջանական լրատվամիջոցները։
«Հյուրը Փաշազադեին է փոխանցել հոր ողջույնները և շեյխուլիսլամին նվիրել նրբագեղ ձևավորված Ղուրան։ Փաշազադեն ողջունել է հյուրին և կիսվել իր հիշողություններով Ախմաթ Կադիրովի մասին, որը եղել է չեչեն ժողովրդի առաջնորդը, անկեղծորեն շնորհավորել է թոռան վերջին ամուսնության կապակցությամբ, հուշանվեր հանձնել»,- ասված է հաղորդագրության մեջ։
Նշվում է, որ հանդիպմանը մասնակցել են Ադրբեջանում ՌԴ արտակարգ ու լիազոր դեսպան Միխայիլ Բոչարնիկովը, Ռուս ուղղափառ եկեղեցու Բաքվի և Ադրբեջանի թեմի քարտուղար վարդապետ Ալեքսիյը, որը պարբերաբար հանդես է գալիս հակահայ հայտարարություններով։ Թե ինչ նպատակով է Կադիրովի որդին ժամանել է Ադրբեջան, տեղեկություններ չեն հաղորդվում։
Էմմա Չոբանյան
