Հասարակություն
31.03.2023 | 12:26Կրթության մասով իրականացված «ռեֆորմները» ցանկալի արդյունքի չեն հասել։ Այս մասին այսօր «Հանուն ոչնչի՞. պետության ստացած դրամաշնորհային աջակցությունը կրթության բարեփոխումների համար» թեմայով հրավիրված քննարկման ժամանակ ասաց փորձագետ Արտակ Քյուրումյանը։
Բազմաթիվ գործոններ կան, որոնք ազդում են կրթության որակի վրա և այսպիսի երկար ժամանակահատվածը՝ 20 տարին դիտարկելով՝ կարելի է եզրակացնել, որ «ռեֆորմները» ցանկալի արդյունքի չեն հասել։ Այս մասին այսօր հրավիրված քննարկման ժամանակ նշեց ֆինանսական կառավարման փորձագետ Արտակ Քյուրումյանը։
Նրա դիտարկմամբ՝ ռեֆորմների նպատակը ինչ-որ դրական ազդեցություն ունենալն է, կրթության որակը բարելավելը, նոր կարողություններ ու հմտություններ ուսուցանելն է, սակայն վերջին շրջանի հետազոտությունները վկայում են, որ այդ արդյունքներին Կառավարությունը չի հասել։
Թե ինչու են միջոցները վատ օգտագործվում, ըստ փորձագետի, պատճառն ամենայն հավանականությամբ պետք է փնտրել վարվող քաղականության, պլանավորման գործընթացում։
«Քաղաքականություն մշակելիս նախ պետք է կատարել իրավիճակի ուսումնասիրություն։ Վերջին տարիներին ընդհանրապես նման հետազոտություն չենք տեսել․ այդ հարցում վակուում է առաջացել։ Այսպիսի ուսումնասիրության հիման վրա պետք է սահմանվեին նպատակները և այդ նպատակների իրագործման ծրագրերը պետք է իրականացվեին։
Եթե այդ ամբողջ աշխատանքը չի կատարվել, ապա այդ ամբողջ դրամաշնորհները, վարկերը տրվել են ինչ-որ մեկի պատկերացումների հիման վրա, ոչ թե փաստացի ստեղծված իրավիճակի և սահմանված նպատակների հիման վրա։
Այդ պրակտիկան շարունակվում է նաև այսօր։ Այս պայմաններում դժվար է ակնկալել արդյունքներ»,- նշեց Քյուրումյանը։
Մանրամասները՝ տեսանյութում։
