16.01.2026 | 16:53
36-ամյա տղամարդը ԲԿ-ի պահեստից 11 հենակ էր գողացել, դեղատնից՝ 30 տուփ դեղորայք
Թուրքիայի ընտրական հանձնաժողովը պաշտոնապես հաստատել է նախագահի 4 թեկնածուների առաջադրումը
Քաղաքականություն
31.03.2023 | 13:36
Թուրքիայի Բարձրագույն ընտրական հանձնաժողովը հաստատել է մայիսի 14-ին կայանալիք նախագահական ընտրություններում թեկնածուների վերջնական ցուցակը, հաղորդում է TRT Haber-ը։
Թեկնածուների ցուցակում են՝ գործող նախագահ Ռեջեփ Թայիփ Էրդողանը, ընդդիմադիր «Ազգային դաշինքի» միասնական թեկնածու Քեմալ Քըլըչդարօղլուն, «Հայրենիք» կուսակցության առաջնորդ Մուհարեմ Ինջեն և ծայրահեղ աջ «ATA» դաշինքի թեկնածու Սինան Օղանը։
Այսօրվանից մեկնարկում է նաև նախընտրական քարոզչության գործընթացը։
Ապրիլի 8-ին վիճակահանությամբ կորոշվի քվեաթերթիկում դաշինքների և կուսակցությունների հերթականությունը։ Ապրիլի 9-ին Բարձրագույն ընտրական հանձնաժողով կներկայացվեն պատգամավորության թեկնածուների ցուցակները, իսկ ապրիլի 19-ին կհրապարակվի նաև պատգամավորության թեկնածուների վերջնական ցուցակը։
Հավելենք, որ Թուրքիայում նախագահական և խորհրդարանական ընտրությունները նախանշված են մայիսի 14-ին։
Էմմա Չոբանյան
