16.01.2026 | 15:07
Սուրեն Պապիկյանն այցելել է ՊՆ զորամասերից մեկը
Գարնանային զորակոչը կարող է խանգարել Ռուսաստանին համալրել ուժերն Ուկրաինայում. ISW
Քաղաքականություն
31.03.2023 | 12:35
Պատերազմի ուսումնասիրության ամերիկյան ինստիտուտը (ISW) հերթական ամփոփագրում նշում է, որ ապրիլի 1-ին հայտարարված գարնանային զորակոչը կարող է խանգարել Ռուսաստանին համալրել ուժերն Ուկրաինայում, գրում է BBC-ի ռուսական ծառայությունը։
Ինստիտուտի մասնագետների դիտարկմամբ՝ ՌԴ նախագահ Վլադիմիր Պուտինն իր իշխանության համար վտանգավոր է համարում երիտասարդ նորակոչիկներին պատերազմ ուղարկելը, հետևաբար՝ ապավինում է պահեստազորի մոբիլիզացիային և կամավորների հավաքագրմանը:
«Ռուսաստանի ուսումնական կարողությունները սահմանափակ են, և այն փաստը, որ դրանք զբաղեցնելու են նորակոչիկները, որոնք 2023 թվականին չեն կռվի Ուկրաինայում, Կրեմլին զրկում է պահեստազորին և կամավորներին վերապատրաստելու հնարավորությունից»,- ասվում է զեկույցում։
Ըստ ինստիտուտի տվյալների՝ ՌԴ-ն կարող է փորձել փոխարինողներ հավաքագրել Ուկրաինայում ստորաբաժանումների համար՝ ստիպելով կամ համոզելով պայմանագիր կնքել զինվորական ծառայությունն ավարտող և արդեն որոշակի պատրաստություն ունեցող զինծառայողների հետ։ Որքանով դա կհաջողվի՝ վերլուծաբանները դժվարանում են ասել։
Էմմա Չոբանյան
