08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Տավուշի մազրում ծառեր են ընկել՝ փակելով ճանապարհը
Հասարակություն
31.03.2023 | 09:43
Մարտի 31-ին, ժամը 04։48-ին Տավուշի մարզային ճգնաժամային կառավարման կենտրոն տեղեկություն է ստացվել, որ Իջևան-Դիլիջան ավտոճանապարհին ծառ է ընկել․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Իջևան-Դիլիջան ավտոճանապարհի 15-րդ կմ-ին ուռենի է ընկել (մոտ 15 գմ) ՝ ճանապարհը դարձնելով միակողմանի երթևեկելի։ Փրկարարները մասնատել են ծառը և հեռացրել ճանապարհից․ երթևեկությունը վերականգնվել է։
Մարտի 31-ին, ժամը 05։40-ին Տավուշի մարզային ճգնաժամային կառավարման կենտրոն տեղեկություն է ստացվել, որ Իջևան-Դիլիջան ավտոճանապարհին ևս մեկ ծառ է ընկել․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Իջևան-Դիլիջան ավտոճանապարհի 18-րդ կմ-ին ուռենի է ընկել (մոտ 10 գմ)՝ ճանապարհը դարձնելով միակողմանի երթևեկելի։ Փրկարարները մասնատել են ծառը և հեռացրել ճանապարհից․ երթևեկությունը վերականգնվել է։
