08.10.2026 | 22:59
14 ժամ ջուր չի լինի Արարատի մարզի մի շարք հասցեներում
Թուրքիան հավանություն է տվել Ֆինլանդիայի անդամակցությանը ՆԱՏՕ-ին
Քաղաքականություն
31.03.2023 | 11:56
Թուրքիայի խորհրդարանը կողմ է քվեարկել ՆԱՏՕ-ին Ֆինլանդիայի անդամակցության արձանագրության վավերացմանը, փոխանցում է BBC-ի ռուսական ծառայությունը։ Թուրքիան 30 երկրներից վերջինն էր, որը չէր վավերացրել Ֆինլանդիայի անդամակցությունը։ Անցյալ շաբաթ դա արել էր Հունգարիան։ Այսպիսով՝ Ֆինլանդիան այլևս որևէ խոչընդոտ չունի դաշինքին անդամակցելու համար։
Հիշեցնենք, որ Ուկրաինա ՌԴ ներխուժումից հետո Շվեդիան ու Ֆինլանդիան ՆԱՏՕ-ին անդամակցության հայտ էին ներկայացրել, սակայն Անկարան չի ցանկանում վավերացնել Շվեդիայի անդամակցությունը դաշինքին։ Հունվարին Թուրքիայի նախագահ Ռեջեփ Թայիփ Էրդողանը հայտարարել էր, որ Շվեդիան չպետք է հույս ունենա, որ Թուրքիան հավանություն կտա դիմումին։ Էրդողանն այս հայտարարությունն արել էր այն բանից հետո, երբ դանիացի աջ քաղաքական գործիչը Ստոկհոլմում Թուրքիայի դեսպանատան մոտ բողոքի ցույցի ժամանակ այրել էր Ղուրանը։
Տաթև Ֆռանգյան
