20.05.2024 | 15:51
Կիսում ենք Իրանի եղբայրական ժողովրդի հետ ողբերգական այս ցավը. Սիմոնյանը՝ Մեջլիսի նախագահին
ԹԵԺ ԲԱՆԱՎԵՃ․ Սպանդ, թե՞ կանաչապատում․ հանուն ինչի՞ են զոհաբերվում ծառերը Երևանում
Քաղաքականություն
30.03.2023 | 21:02
Երևանում տասնյակ ծառեր արմատախիլ անելուց և դրանք սակուրաներով փոխարինելուց հետո Երևանի փոխքաղաքապետ Տիգրան Ավինյանն օրերս խորհրդակցության ժամանակ հայտարարեց, թե Երևանի սրտում՝ Կասկադում փոփոխություններ անելիս պետք է երևանցիների կարծիքը հաշվի առնվի։
Ծառերի հատումները շարունակվեցին։ Երկու օր առաջ Զեյթուն փողոցում հատվեց երեք տասնյակից ավելի թեղի։ Բոլոր հատումների դեպքում քաղաքապետարանի աշխատակիցներն ասում են, որ կա մասնագիտական գնահատական, որ ծառերը ենթակա են հատման՝ ծերացել են, թթվածին չեն արտադրում, տհաճ բզեզներով են պատվում:
Քաղաքային իշխանությունը մտադիր է առնվազն 2500 ծառ տնկել, որոնցից 150-ը՝ սակուրա։ Մինչդեռ քաղաքի պլանավորման մասնագետներ, ուրբանիստներ պնդում են, որ ծառահատման համատարած այս գործողություններն արվում են՝ մասնագիտական ոչ լուրջ հիմնավորումներով։ Անգամ ահազանգում են Երևանին սպասվելիք էկոլոգիական մոտալուտ աղետի մասին։
Ի՞նչ ռիսկեր, վտանգներ, գուցե՝ դրական արդյունքներ կան Երևանում ծառերը փոխարինելու այս գործընթացի հետևում։ Factor TV-ի տաղավարում հրավիրված բանավեճին մասնակցում են Կենտրոն վարչական շրջանի նախկին ղեկավար Վիկտոր Մնացականյանը, սոցիոլոգ Կարեն Սարգսյանը, Երևանի ավագանու «Իմ քայլը» խմբակցության անդամ Մարատ Թոխյանը, Երևանի ավագանու «Լույս» խմբակցության անդամ Դավիդ Խաժակյանը, երևանցի Էդուարդ Հայրումյանը։
