14.12.2025 | 11:03
Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ
Ովքեր են զինվորների աճյունները դուրս բերել կացարանից․ մանրամասներ զինդատախազի հետ հանդիպումից․ ՏԵՍԱՆՅՈւԹ
Հասարակություն
30.03.2023 | 19:40
Հունվարի 19-ին Գեղարքունիքի մարզի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած 15 զինծառայողներից 13-ի մերձավորների լիազոր ներկայացուցիչ, փաստաբան Նորայր Նորիկյանն այսօր զոհված զինծառայողների ծնողների հետ հանդիպել է Զինվորական դատախազին։
Հանդիպումից հետո լրագրողների հետ զրույցում նա նշել է, թե ձեռնպահ կմնա ասելու, թե իրենց բարձրացրած բոլոր հարցերի պատասխանները ստացել են։
Փաստաբանի խոսքով՝ զինդատախազությունում տուժողներին ասել են նաև, թե ովքե՞ր են զինծառայողների մարմինները հանել դեպքի վայրից:
Հիշեցնենք, որ փաստաբանը քանիցս է հայտարարել այն մասին, որ դեպքի վայրը խախտված է եղել և վարույթ իրականացնող մարմինը հասանելիություն է ունեցել դեպքի վայրին՝ զինծառայողների մարմինների հանելուց հետո: Դիերը հանողը քննչական մարմինը չի եղել:
Փաստաբանը ոչ հերքեց, ոչ հաստատեց, ոչ հերքեց լրագրողի հարցը՝ ԱԻ՞Ն-ն է եղել:
Նորայր Նորիկյանը վստահ է, որ տեսանկարահանումներ և լուսանկարահանումներ են եղել դեպքի վայրում։ Նա հավելեց, որ հետամուտ է լինելու պարզելու՝ թե ի՞նչ պայմաններում են եղել զոհվածների մարմինները՝ մինչև դեպքի վայրից դուրս բերելը:
Զինդատախազությունում նաև ծնողներին փոխանցել են, որ դեռ աշխատանքներ են տարվում պարզելու, թե փրկված զինծառայողները որտեղ են եղել:
Մանրամասները՝ տեսանյութում։
