06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Հարցեր տվել ենք, պատասխանները լիարժեք չէին․ Արման Բարսեղյան․ ՏԵՍԱՆՅՈւԹ
Հասարակություն
30.03.2023 | 19:10
ՀՀ գլխավոր զինդատախազ Գրիգոր Էլիզբարյանի հետ շուրջ երեք ժամ տևած հանդիպումից, Ազատ գյուղի զորամասի ողբերգության արդյունքում զոհվածների ծնողներն ու հարազատները իրենց հուզող հարցերի պատասխանները լիարժեք չեն ստացել. հանդիպման ավարտից հետո, լրագրողների հետ զրույցում այդ մասին ասաց Արման Բարսեղյանը՝ ողբերգության արդյունքում զոհված Գագիկ Բարսեղյանի հայրը:
Արման Բարսեղյանը հույս հայտնեց, որ քննությունը ճիշտ ուղով կգնա:
Հանդիպումից այլ մանրամասներ նա չհրապարակեց՝ քննչական գաղտնիքներ չբացահայտելու նպատակով:
Երեկ կայացած մամուլի ասուլիսում մի շարք հարցեր էին հրապարակվել, որոնց պատասխանները տուժողները և նրանց ներկայացուցիչը ակնկալում էին ստանալ այսօր՝ զինդատախազից։
«Հարցեր տվել, ենք քննությունն ընթանում է հենց այդ հարցերի շրջանակում և հույս ունռնք, որ մոտ ժամանակներս այդ հարցերի պատասխանները բոլորը կստանան»,- նշեց Արման Բարսեղյանը։
Նա նաև տեղեկացրեց, որ ողբերգության մի քանի վարկած է քննվում, բայց մանրամասներ չհայտնեց:
Մանրամասները՝ տեսանյութում։
