25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
ԵՄ-ի և Չինաստանի հարաբերությունները կախված են Ուկրաինայում պատերազմին Պեկինի վերաբերմունքից․ Եվրահանձնաժողովի ղեկավար
Քաղաքականություն
30.03.2023 | 20:44
Չինաստանը պետք է կողմնորոշվի Ուկրաինայում «արդար աշխարհի» վերաբերյալ դիրքորոշման հարցում և ընտրի իր դերը ռազմական հակամարտությունում։ Սա կենսական նշանակություն ունի ԵՄ-ի հետ Չինաստանի հարաբերությունների ձևավորման համար։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը, փոխանցում է BBC-ի ռուսական ծառայությունը:
«Ցանկացած խաղաղության ծրագիր, որը փաստացիորեն արդյունավետորեն կոնսոլիդացնում է Ռուսաստանի անեքսիան, պարզապես կենսունակ չէ»,- հայտարարել է նա։
Եվրոպացի պաշտոնյան նշել է, որ Չինաստանը, որպես ՄԱԿ-ի Անվտանգության խորհրդի մշտական անդամ, պարտավոր է պաշտպանել ՄԱԿ-ի խարտիայի սկզբունքներն ու արժեքները։
Չնայած Ուկրաինայի դեմ Ռուսաստանի պատերազմին՝ Սի Ցզինպինը պետական այցով եղավ Ռուսաստանում և հայտարարեց Պուտինի հետ «առանց սահմանափակումների» բարեկամության մասին, հիշեցրել է Եվրահանձնաժողովի նախագահը։
«Սակայն կան նաև փոփոխություններ Չինաստանի և Ռուսաստանի միջև հարաբերությունների դինամիկայում։ Միանգամայն ակնհայտ է, որ Չինաստանը տեսնում է Պուտինի թուլությունը։ Ակնհայտ է, որ այդ հարաբերություններում ուժերի հավասարակշռումը, որը վերջին հարյուրամյակում եղել է ՌԴ-ի օգտին, այժմ շրջվել է։ Չինաստանը մտադիր է օգտագործել ՌԴ-ին հօգուտ իր շահերի»,- ասել է ֆոն դեր Լեյենը։
Տաթև Ֆռանգյան
