13.12.2024 | 13:24
ԱՄՆ-ն Ուկրաինային 500 մլն դոլարի ռազմական օգնություն կտրամադրի
Պարզվել է՝ Հռոմի պապի նորաձև բաճկոնով լուսանկարը կեղծ է և ստեղծվել է արհեստական բանականության միջոցով
Քաղաքականություն
30.03.2023 | 18:52
Ոճային բաճկոնով Հռոմի Ֆրանցիսկոս պապի վիրուսային լուսանակարները, պարզվում է, կեղծ են, գրում է Forbes-ը։
Նշվում է, որ կաթոլիկ եկեղեցու քահանայապետի լուսանկարը՝ ավանդական գլխարկով և սպիտակ գլխարկով բաճկանով, որի վերևից երևում է խաչը, հայտնվել է Reddit պորտալում։ Այնուհետև կադրերը սկսել են տարածվել Twitter-ում, որտեղ բազմաթիվ օգատերեր, այդ թվում՝ հայտնի մարդիկ, հավատացել են դրա իսկությանը։ Նրանց շարքում է մոդել և հեռուստահաղորդավար Քրիսի Թեյգենը։
«Ես կարծեցի, թե Պապի բաճկոնն իրական է, մի վայրկյան անգամ չեմ կասկածել։ Ես չեմ գոյատևի ապագայի տեխնոլոգիաների աշխարհում»,- հայտարարել է նա։
Բլոգեր Յան Մայլզ Չյոնգը Հռոմի պապին նորաձևության մարմնացում է անվանել։
Միևնույն ժամանակ, Ջորջթաունի համալսարանի պրոֆեսոր, քաղաքագետ Դոն Մոյնիհանը հարցրադրում է արել, թե ինչպես է կոչվելու Պապի ապրանքանիշը։
Կարճ ժամանակ անց հայտնի է դարձել, որ լուսանկարը ստեղծվել է Midjourney նեյրոնային ցանցի միջոցով։ Օգտատերերն ուշադրություն են հրավիրել Ֆրանցիսկոս պապի ձեռքի տարօրինակ ձևի վրա, որն արհեստական ինտելեկտը դժվարությամբ է ստեղծել։
Ավելի վաղ նեյրոնային ցանցը ստեղծել էր ԱՄՆ նախկին նախագահ Դոնալդ Թրամփի կալանավորման լուսանկաները, որը մինչ հայտարարել էր իր հնարավոր ձերբակալության մասին։
Տաթև Ֆռանգյան
