13.09.2026 | 15:08
Tour of Armenia-ի եզրափակիչ՝ չորրորդ մրցափուլը Երևանում
Անկարայում ԱՄՆ դեսպանը հանդիպել է ընտրություններում Էրդողանի գլխավոր մրցակցին
Քաղաքականություն
30.03.2023 | 17:43
Թուրքիայում ԱՄՆ դեսպան Ջեֆ Ֆլեյքը հանդիպել է մայիսի 14-ին կայանալիք նախագահական ընտրություններում ընդդիմության (6 ընդդիմադիր կուսակցությունների դաշինք) միասնական թեկնածու, Ժողովրդահանրապետական կուսակցության նախագահ Քեմալ Քըլըչդարօղլուի հետ։ Վերջինն ընտրություններում գործող նախագահ Ռեջեփ Թայիփ Էրդողանի գլխավոր մրցակիցն է։
Կուսակցության տարածած հաղորդագրության մեջ նշվում է, որ Քըլըչդարօղլուն Անկարայում ԱՄՆ դեսպան Ֆլեյքի հետ հանդիպել է CHP-ի կենտրոնակայանում։ Հանդիպմանը մասնակցել է նաև CHP-ի փոխնախագահ Ունալ Չևիքյոզը։
ԱՄՆ դեսպանատունն իր հերթին հայտնել է, որ հանդիպում տեղի է ունեցել քաղաքական կուսակցությունների հետ հանդիպումների շրջանակում։
«Դեսպան Ֆլեյքը հանդիպել է CHP-ի նախագահ Քեմալ Քըլըչդարօղլուին՝ մեր երկու երկրների միջև փոխադարձ հետաքրքրություն ներկայացնող հարցերի շուրջ թուրքական քաղաքական կուսակցությունների հետ շարունակվող զրույցների շրջանակում։ Դեսպանն ԱՄՆ-ի համերաշխությունն ու ցավակցությունն է հայտնել Թուրքիայի երկրաշարժի կորուստների կապակցությամբ»,- ասվում է դեսպանատան թվիթերյան հաղորդագրությունում։
Էմմա Չոբանյան
