19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Նման սպանդ մենք թույլ չենք տվել․ քաղաքական կառավարման ճգնաժամ է․ Վիկտոր Մնացականյան․ ՏԵՍԱՆՅՈՒԹ
Հասարակություն
30.03.2023 | 14:42
Մենք երբևէ թույլ չենք տվել, որ նման էկոցիդ, սպանդ կամ չարիք լինի Երևանի համար։ Այս մասին այսօր հրավիրված ասուլիսում նշեց Երևանի Կենտրոն վարչական շրջանի նախկին ղեկավար Վիկտոր Մնացականյանը՝ անդրադառնալով Երևանում ծառերի փոխարինման հետ կապված իրավիճակին։
«Ո՞վ է պատասխան տալու անօրինական ծառահատումների համար․ դրանք հիվանդ թեղիներ չէին, այլ առողջ հացենիներ էին։ Անհատական պատասխանատվություն պետք է կրեն հացենիներն անօրինական, առանց թույլտվության ծառահատողները»,- նշեց Կենտրոն վարչական շրջանի նախկին ղեկավարը՝ հավելելով, որ ծառերի ոչնչացումը շատ վատ հետևանքներ կարող է ունենալ։
Մնացականյանն անդրադարձավ նաև քաղաքային կառավարման խնդիրներին: Նրա դիտարկմամբ՝ առկա է քաղաքային կառավարման ճգնաժամ։
«Հաշվի չի առնվում նույնիսկ ավագանու մի քանի հարգարժան անդամների կարծիքներն ու բողոքները՝ կապված քաղաքի զարգացման ու հատկապես կանաչապատման, ինչպես նաև առողջապահության ու անվտանգության հետ։
Քաղաքային խշխանությունները կարևորն անկարևորից չեն տարբերում․․․
Երևանով պետք է զբաղվեն այնպիսի մարդիկ, որոնք էմոցիա ունեն քաղաքի նկատմամբ, պարտադիր չէ Երևանում ծնված լինեն, բայց պետք է սրտացավություն ունենան»,- նշեց Մնացականյանը։
Մանրամասները՝ տեսանյութում։
