14.01.2025 | 16:32
Անտոնիու Կոշտան հայտնել է ՀՀ-ի հետ գործընկերությունն ամրապնդելու ԵՄ հանձնառության մասին
7 բուհերում քաղաքացիական կրթության կենտրոն կներդրվի․ Արմեն Բեժանյան. ՏԵՍԱՆՅՈւԹ
Հասարակություն
29.03.2023 | 20:02
Երևանում մեկնարկել է «Քաղաքացիական կրթություն և մասնակցություն» ծրագրի շահակիցների խմբի առաջին աշխատաժողովը։ ԱՄՆ ՄԶԳ կողմից ֆինանսավորվող «Քաղաքացիական կրթություն և մասնակցություն» հնգամյա (2022-2027) ծրագիրը ներառում է խնդիրների լայն շրջանակ, առաջարկում է հանրային կյանքում երիտասարդների մասնակցությունը խթանելու նորարարական լուծումներ։ Ակնկալվում է, որ այն կբարելավի Հայաստանում դպրոցական և արտադպրոցական քաղաքացիական կրթության որակն ու կընդլայնի դրա ազդեցության շրջանակը, որպես հանրային կյանքում երիտասարդների ներգրավվածության խթանման միջոց՝ աջակցելու Հայաստանում ժողովրդավարական հասարակության ուժեղացմանը։
Ծրագիրն իրականացնում է «Փրոջեքթ Հարմոնի Հայաստանի» գլխավորած կոնսորցիումը՝ «Մարդկային զարգացման միջազգային կենտրոնի», «Ժողովրդավարական կրթության հայկական կենտրոն – ՍԻՎԻՏԱՍ»-ի, «Կրթական տեխնոլոգիաների ազգային կենտրոն» ՊՈԱԿ-ի անդամակցությամբ։
Ծրագրի հիմնական գործընկերն է ՀՀ Կրթության, գիտության, մշակույթի և սպորտի նախարարությունը։ Համաժողովին հրավիրված են ՀՀ ԿԳՄՍ նախարար Ժաննա Անդրեասյանը, փոխնախարարներ Արթուր Մարտիրոսյանը և Արաքսյա Սվաջյանը, ԱՄՆ Միջազգային զարգացման գործակալության (ԱՄՆ ՄԶԳ) Ժողովրդավարության և կառավարման գրասենյակի տնօրեն Քելլի Սթրիքլենդը, այլ միջազգային և տեղական գործընկերներ։
Ծրագրի երկրորդ բաղադրիչը պայմանականորեն անվանում ենք ոչ ֆորմալ կրթություն, այն կոչված է խթանելու երիտասարդների քաղաքացիական ներգրավման նպաստավոր միջավայրի ստեղծման գործընթացը։
Նախատեսվում է 7 բուհերում քաղաքացիական կրթության կենտրոններ ներդնել։
Բեժանյանը շեշտեց բարձրագույն ուսումնական հաստատությունների կարևորությունը ոչ միայն ակադեմիական կրթություն առաջարկելու տեսանկյունից, այլ նաև համայքի մտավոր և գիտական զարգացման գործում։
Արմեն Բեժանյանը նաև տեղեկացրեց, որ ծրագրի շրջանակում համագործակցելու են հայաստանյան բուհերի հետ բուհերում քաղաքացիական կրթության կենտրոն կներդրվի։
Բեժանյանի խոսքով՝ երկրորդ կարևոր օղակը, որին ուշադրություն է դարձվում, ԿԳՄՍ-ին կից աշակերտական խորհրդի գործունեության բարելավումն է․ «Մեր նպատակն է այդ խորհուրդն իրոք ներկայացուցչական դարձնել»։
Մանրամասները՝ տեսանյութում։
