14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պետերբուրգից հնագետին ՌԴ-ում 5.5 տարվա ազատազրկման են դատապարտել բանակի մասին «ֆեյքերի» գործով
Քաղաքականություն
29.03.2023 | 20:56
Սանկտ Պետերբուրգում դատարանը 5.5 տարի ժամկետով ազատազրկման է դատապարտել հնագետ, որոնողական շարժման անդամ, երրորդ կարգի հաշմանդամ Օլեգ Բելոուսովին՝ «ռազմական ֆեյքերի» մեղադրանքով, գրում է BBC-ի ռուսական ծառայությունը։
Պետերբուրգի դատարանների միասնական մամուլի ծառայության հաղորդմամբ՝ տղամարդուն արգելել են նաև 4 տարի համացանցում լուրեր տարածել։
Բացի «ՌԴ ԶՈւ-ի կիրառման մասին կեղծ տեղեկատվություն հրապարակայնորեն տարածելու» մեղադրանքից՝ 55-ամյա Բելոուսովին մեղադրել են «ծայրահեղականության կոչերի համար»։
Մեղադրող կողմը պահանջում էր հնագետին դատապարտել 9,5 տարվա ազատազրկման։
Հետաքննության վարկածի համաձայն՝ Բելոուսովը «Վկոնտակե» սոցցանցում քննադատել է ՌԴ ռազմական գործողություններն Ուկրաինայում։
