26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Տավուշից ավելի քան 90 ուսուցիչ մասնակցել է դասընթացների․ նախատեսվում է թիվը հասցնել 1000-ի․ ՏԵՍԱՆՅՈՒԹ
Հասարակություն
29.03.2023 | 17:47
Երևանում մեկնարկել է «Քաղաքացիական կրթություն և մասնակցություն» ծրագրի շահակիցների խմբի առաջին աշխատաժողովը։ ԱՄՆ ՄԶԳ կողմից ֆինանսավորվող «Քաղաքացիական կրթություն և մասնակցություն» հնգամյա (2022-2027) ծրագիրը ներառում է խնդիրների լայն շրջանակ, առաջարկում է հանրային կյանքում երիտասարդների մասնակցությունը խթանելու նորարարական լուծումներ։
Ակնկալվում է, որ այն կբարելավի Հայաստանում դպրոցական և արտադպրոցական քաղաքացիական կրթության որակն ու կընդլայնի դրա ազդեցության շրջանակը, որպես հանրային կյանքում երիտասարդների ներգրավվածության խթանման միջոց՝ աջակցելու Հայաստանում ժողովրդավարական հասարակության ուժեղացմանը։
Ծրագիրն իրականացնում է «Փրոջեքթ Հարմոնի Հայաստանի» գլխավորած կոնսորցիումը՝ «Մարդկային զարգացման միջազգային կենտրոնի», «Ժողովրդավարական կրթության հայկական կենտրոն – ՍԻՎԻՏԱՍ»-ի, «Կրթական տեխնոլոգիաների ազգային կենտրոն» ՊՈԱԿ-ի անդամակցությամբ։ Ծրագրի հիմնական գործընկերն է ՀՀ Կրթության, գիտության, մշակույթի և սպորտի նախարարությունը։
Ներկայացնելով ծրագրի առաջին՝ ֆորմալ կրթության բաղադրիչի աշխատանքները՝ Ալեքսանդր Շագաֆյանը նշեց․ «Ծրագրի ընթացքում արդե իսկ մշակվել և իրականացվում է երկու դասընթաց՝ նախագծային ուսուցման կազմակերպում և խրախուսում, համայնքային գործողությունների նախագծեր․ այս դասընթացները սահմանված կարգով հաստատված և կրեդիտավորված են, այս պահին Տավուշի մարզում ավարտվում է դասընթացը․ մարզի ավելի քան 90 հասարակագիտության ուսուցիչ մասնակցել է դասընթացների։
Նախատեսվում է այս դասընթացներին մասնակցող ուսուցիչների թիվը հասցնել 1000-ի։ Գալիք երկու տարիներին այդ աշխատանքն իրականացվելու է։
Զուգահեռաբար մեր գործընկերների հետ մշակում ենք 50 ուսումնական տեսանյութ, դրանցից 5-ի սցենարը պատրաստ է» ։
Մանրամասները՝ տեսանյութում։
