14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
ԱՄՆ պետքարտուղարի օգնականը ժամանել է Ադրբեջան
Քաղաքականություն
29.03.2023 | 15:55
Միջազգային կազմակերպությունների հարցերով ԱՄՆ պետքարտուղարի օգնական Միշել Սիսոնը ժամանել է Ադրբեջան՝ գործընկերների հետ հանդիպումների նպատակով: Նախատեսվում է քննարկել Միացյալ Նահանգների հանձնառությունը համատեղ գլոբալ մարտահրավերներին դիմակայելու հարցում, հայտնում է Բաքվում ԱՄՆ դեսպանատունը։
«Ադրբեջանում գտնվելու ընթացքում պետքարտուղարի օգնականը կանդրադառնա ներկա և պոտենցիալ բազմակողմ համագործակցության ոլորտներին, այդ թվում՝ կայուն զարգացման նպատակներին հասնելու և անդրազգային մարտահրավերներին դիմակայելու համատեքստում, որոնց թվում են կլիմայի փոփոխությունը, պարենային անապահովությունը և համաշխարհային առողջապահական անվտանգությունը»,- ասվում է հաղորդագրության մեջ։
Նշվում է, որ Սիսոնը ղեկավարում է ԱՄՆ Պետքարտուղարության Միջազգային կազմակերպությունների գործերի բյուրոն։ Այն իր վեց դիվանագիտական առաքելություններով (Ժնև, Մոնրեալ, Նայրոբի, Նյու Յորք, Հռոմ և Վիեննա) մշակում և իրականացնում է ԱՄՆ քաղաքականությունը ՄԱԿ-ում և մի շարք այլ բազմակողմ կազմակերպություններում:
Էմմա Չոբանյան
