15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Եթե Բախմուտը գրավվի, Պուտինն այդ հաղթանակը «կվաճառի» Արևմուտքին և Չինաստանին․ Զելենսկի
Քաղաքականություն
29.03.2023 | 16:06
Ուկրաինայի նախագահ Վլադիմիր Զելենսկին Սումի մարզից Կիև մեկնելիս հարցազրույց է տվել Associated Press-ին։ Նա, մասնավորապես, բացատրել է Բախմուտի նշանակությունը, որն ուկրաինացի զինվորականները շարունակում են պաշտպանել, ինչպես նաև նորից Ուկրաինա է հրավիրել Չինաստանի ղեկավար Սի Ցզինպինին, գրում է BBC-ի ռուսական ծառայությունը։
«Եթե ռուս զինվորակնները գրավեն Բախմուտը, Վլադիմիր Պուտինն այդ հաղթանակը «կվաճառի» Արևմուտքին, իր հանրությանը, Չինաստանին, Իրանին»,- ասել է Զելենսկին AP-ին տված հարցազրույցում։
Նրա խոսքով՝ այժմ ցանկացած պարտություն կարող է սպառնալիքի տակ դնել Ուկրաինայի դիմադրության տեմպը։
«Մենք չենք կարող քայլեր բաց թողնել, քանի որ պատերազմը, ինչպես թխվածքը, կազմված է հաղթանակի կտորներից։ Փոքրիկ հաղթանակներ, փոքրիկ քայլեր»,- ասել է նա։
Զելենսկին հայտնել է նաև ՉԺՀ-ի ղեկավար Սի Ցզինպինին Ուկրաինայում ընդունելու պատրաստակամության մասին։ Ավելի վաղ Զելենսկին հայտնել էր, որ Սիի հետ բանակցությունն է խնդրել։
«Մենք պատրաստ ենք նրան տեսնել այստեղ։ Ցանկանում եմ նրա հետ խոսել։ Ես նրա հետ շփում եմ ունեցել լայնամասշտաբ պատերազմից առաջ։ Բայց այս մեկ տարվա ընթացքում, մեկ տարուց էլ ավելի շփում չի եղել»,- ասել է Զելենսկին։
