15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Շվեդիա-Ադրբեջան խաղի ընթացքում մարզադաշտում ծածանվել են ՀՀ-ի և Արցախի դրոշները
Քաղաքականություն
28.03.2023 | 13:55
Շվեդիա-Ադրբեջան խաղի ընթացքում Ստոկհոլմի մարզադաշտում հայ երիտասարդները Հայաստանի Հանրապետության և Արցախի Հանրապետության դրոշներն են ծածանել, իսկ երկրպագուների ձեռքին եղել է նաև պաստառ՝ «Դադարեցրե՛ք Արցախի շրջափակումը» գրությամբ։
«Հայ երիտասարդները Ստոկհոլմում Շվեդիա-Ադրբեջան ֆուտբոլային խաղի ժամանակ Արցախի դրոշներով ակցիա են անցկացրել և իրենց բողոքն արտահայտել։ Պաստառ է բարձրացվել, որի վրա գրված է, որ ադրբեջանցի ահաբեկիչները պետք է դադարեցնեն Արցախի անօրինական շրջափակումը»,- հայտնել է ՀՅԴ երիտասարդական գրասենյակը։
Հավելենք, որ Շվեդիան 5:0 հաշվով սեփական հարկի տակ ջախջախիչ պարտության է մատնել Ադրբեջանին Եվրոպայի 2024 թվականի առաջնության ընտրական մրցաշարի երկրորդ տուրի խաղում։
Մինչ խաղի մեկնարկը Ադրբեջանի Ֆուտբոլի ասոցիացիան հայտարարել է, որ խաղին ներկա գտնվելու համար 100-200 հայեր տոմսեր են գնել և պատրաստվում են մարզադաշտում «սադրանք իրականացնել»։ Ադրբեջանցիները նաև այս վախերից ելնելով՝ դիմել էին ՈՒԵՖԱ-ին։
Տաթև Ֆռանգյան
